The news is by your side.

Advertisement

پاکستان کو قدرتی آفات سمیت متعدد ہنگامی حالات کا سامنا ہے، ڈاکٹر فیصل سلطان

اسلام آباد: وزیراعظم عمران خان کے معاون خصوصی برائے صحت ڈاکٹر فیصل سلطان کا کہنا ہے کہ پاکستان کو قدرتی آفات سمیت متعدد ہنگامی حالات کا سامنا ہے، مشکلات کے باوجود پاکستان کرونا پر قابو پانے کے لئے پر عزم ہے۔

تفصیلات کے مطابق اسلام آباد میں عالمی ادارہ صحت ایمرو ریجن کے زیر اہتمام وزرائے صحت کی ورچوئل پریس بریفنگ کا انعقاد کیا گیا، ڈاکٹر فیصل سلطان نے اجلاس کو کرونا پر قابو پانے کیلئے پاکستانی اقدامات پر بریفنگ دی۔

ڈاکٹر فیصل سلطان نے کہا کہ پاکستان مشکلات کے باوجود کرونا کی دوسری وبا پر قابو پانے کیلئے پر عزم ہے، عالمی وبا کی دوسری لہر سے نمٹنے کے لئے پاکستان بروقت و ضروری اقدامات کو یقینی بنارہا ہے، اس کے علاوہ پاکستان ہیلتھ کیئر اداروں میں کرونا انفیکشن کی روک تھام کو بھی یقینی بنایا جارہا ہے۔

ڈاکٹر فیصل سلطان نے بتایا کہ پاکستان کو قدرتی آفات سمیت متعدد ہنگامی حالات کا سامنا ہے، حکومت پاکستان پولیو کے خاتمے کیلئے موثر اقدامات کر رہی ہے، کرونا کے باعث پاکستان کی انسداد پولیو کی کوششیں متاثر ہوئی ہیں، پاکستان کورونا کے خلاف پولیو پروگرام کے وسائل استعمال کر رہا ہے۔

یہ بھی پڑھیں:  مشکل مرحلہ آرہا ہے، زیادہ احتیاط کی ضرورت ہے: ڈاکٹر فیصل سلطان

وزیراعظم کے معاون خصوصی برائے صحت نے ورچوئل پریس بریفنگ میں کہنا تھا کہ پاکستان جولائی، اگست میں کورونا کا پھیلاو روکنےمیں کامیاب ہوا تھا، اس کے بعد حکومت کی جانب سے نرمی کی گئ، جس کے باعث اکتوبر میں ایک بار پھر کرونا کیسز میں اضافہ ہوا۔

دوسری جانب ملک بھرمیں گزشتہ 24 گھنٹوں کے دوران کورونا وائرس انفیکشن کی وجہ سے مزید 18 افراد جاں بحق ہو گئے، جس کے بعد مرنے والوں کی مجموعی تعداد7 ہزار248ہوگئی ہے۔

Comments

یہ بھی پڑھیں