The news is by your side.

Advertisement

آسان اور سستے انصاف کی عوام تک رسائی ہماری اوّلین ترجیح ہے، وزیر اعظم عمران خان

اسلام آباد : وزیر اعظم عمران خان نے کہا ہے کہ عوام کو آسان اور سستے انصاف تک رسائی کو یقینی بنانا حکومت کی ترجیح ہے، یہ بات انہوں نے وفاقی وزیر قانون ڈاکٹر فروغ نسیم سے گفتگو کرتے ہوئے کہی۔

تفصییلات کے مطابق اسلام آباد میں وزیراعظم عمران خان سے وفاقی وزیر قانون ڈاکٹر فروغ نسیم نے ملاقات کی، اس موقع پر پارلیمانی سیکریٹری ،سیکریٹری قانون اور وزارت کے دیگرسینئر افسران بھی موجود تھے۔

ڈاکٹر فروغ نسیم نے وزیر اعظم کو مفاد عامہ میں بنائے گئے نئے قوانین، نفاذ میں اب تک کی پیشرفت سے آگاہ کیا۔ انہوں نے بتایا کہ عوام کو ملکی قوانین سے آگاہی کیلئے پاکستان کوڈ کو آن لائن کردیا گیا ہے۔

پاکستان کوڈ کےنام سے ایپلی کیشن جلد عوام کیلئےدستیاب ہوگی،فروغ نسیم کا مزید کہنا تھا کہ مذکورہ ایپلی کیشن سے1840سےمارچ2019 تک قوانین کی تفصیلات حاصل کی جاسکیں گی۔

پاکستان کوڈ میں اب تک23مختلف شعبوں سےمتعلق844قوانین درج ہیں۔ اس کے علاوہ وفاقی وزیرقانون نے وزیراعظم کو دیگرمختلف قوانین پر پیشرفت سے بھی آگاہ کیا۔

مزید پڑھیں: وزارت قانون نے عوام کی آسانی کےلئے پاکستانی قوانین ویب سائٹ پر جاری کر دیئے

وزیر اعظم نے مفاد عامہ میں قانون سازی کے ضمن میں وزیر قانون کی کاوشوں کو سراہا، وزیر قانون سے گفتگو کرتے ہوئے عمران خان کا کہنا تھا کہ عوام کو آسان اور سستے انصاف تک رسائی کو یقینی بنانا ہماری حکومت کی اولین ترجیح ہے، فوری اور آسان انصاف عوام کی زندگیوں میں واضح تبدیلی کا ضامن ہے۔

Comments

comments

یہ بھی پڑھیں