سترہ فروری کو حیدرآباد میں جلسہ عام کریں گے، ڈاکٹرفاروق ستار
The news is by your side.

Advertisement

سترہ فروری کو حیدرآباد میں جلسہ عام کریں گے، ڈاکٹرفاروق ستار

کراچی : ڈاکٹر محمد فاروق ستار نے کہا ہے کہ ایم کیو ایم پاکستان 17 فروری کو پکا قلعہ حیدرآباد میں جلسہ عام کا انعقاد کر ے گی جس میں آئندہ کے لائحہ عمل کا اعلان کیا جائے گا۔

تفصیلات کے مطابق پی آئی بی میں واقع ایم کیو ایم کے عارضی مرکز میں ہونے والے اجلاس میں ایم کیو ایم پاکستان کی رابطہ کمیٹی نے 17 فروری بروز جمعہ کو حیدرآباد کے علاقے پکا قلعہ میں جلسہ عام کرکے سیاسی قوت کا مظاہرہ کرنے کا فیصلہ کیا ہے۔

دورانِ اجلاس ڈاکٹر فاروق ستار کاکہنا تھا کہ 30 دسمبر کو کراچی میں جلسہ عام کے بعد ایم کیو ایم اب حیدرآباد میں بھی اپنی سیاسی قوت کا مظاہرہ کرنے جاری ہے اس حوالے سے حیدرآباد میں جلد ہی عوامی رابطہ مہم کا آغاز کیا جائے گا۔

سربراہ ایم کیو ایم پاکستان کا مزید کہنا تھا کہ حیدرآباد کا جلسہ ثابت کردے گا کہ حیدرآباد کی عوام ایم کیو ایم پاکستان کے ساتھ ہے اور ایم کیو ایم کا مینڈیٹ تقسیم نہیں بلکہ منظم اور متحد ہے۔

ذرائع کے مطابق رابطہ کمیٹی کا اجلاس ایم کیو ایم پاکستان کے کنوینر ڈاکٹر فاروق ستار کی قیادت میں ہوا جس میں اراکین رابطہ کمیٹی عامر خان، خالد مقبول صدیقی، امین الحق سمیت دیگر اراکین رابطہ کمیٹی اور اراکین اسمبلی نے شرکت کی۔

دریں اثناء اجلاس میں جلسے کے تیاریوں اور انتظامات کے ساتھ ساتھ ملکی سیاسی صورتحال پر تفصیلی تبادلہ خیال کیا گیا جب کہ بدلتی صورت حال کے حوالے سے آئندہ کی پالیسی مرتب کرنے کے لیے غورو خوص بھی کیا گیا۔

Comments

comments

یہ بھی پڑھیں