متحدہ قومی مومنٹ نےچار ہزار پانچ سوارب روپے کا شیڈو بجٹ پیش کردیا -
The news is by your side.

Advertisement

متحدہ قومی مومنٹ نےچار ہزار پانچ سوارب روپے کا شیڈو بجٹ پیش کردیا

کراچی : متحدہ قومی مومنٹ نےچار ہزار پانچ سوارب روپے کاشیڈو بجٹ پیش کردیا، ایم کیو ایم کا مؤقف ہے کہ نیشنل ایکشن پلان کی اوونرشپ عوام تک منتقل کی جائے۔

تفصیلات کے مطابق ایم کیو ایم نے شیڈو بجٹ 17-2016 پیش کرتے ہوئے مطالبہ کیا ہے کہ نیشنل ایکشن پلان کی اوونرشپ عوام تک منتقل کی جائے، اس حوالے سے صحافیوں کو بریفنگ دیتے ہوئے متحدہ قومی موومنٹ کے سینیئر ڈپٹی کنوینئیر ڈاکٹر فاروق ستار نے کہا ہے کہ نیشنل ایکشن کس چڑیا کا نام ہے،عوام کوبھی بتایاجائے۔

ان کا کہنا تھا کہ قومی پلان پرعملدرآمد سے ہی معیشت پروان چڑھے گی، ٹیکس دینے سے متعلق بنیادی اصول بنانے کی ضرورت ہے، یہ عقل مندوں کا فورم ہے، کوئی سمجھے نہ سمجھے ہم توسمجھ رہے ہیں۔

ڈاکٹر فاروق ستار نے کہا کہ ٹیکس کا نظام بھی آزادانہ ہونا چاہئیے، صرف مڈل کلاس تنخواہ دار متوسط طبقے پر ٹیکس لاگو کرنے سے کوئی فائدہ نہیں ہوگا، معاشی ترقی میں اضافے کیلئے سماجی ترقی میں بھی اضافہ کرناہوگا۔

ایم کیو ایم رہنما نے کہا کہ میٹرو اوراورنج ٹرین سے پہلے توانائی بحران حل کیا جائے، ڈاکٹر فاروق ستارنے کرپشن کو تمام برائیوں کی جڑ قراردیتے ہوئے بلاامتیاز احتساب کا نعرہ لگایا۔

انہوں نے کہا کہ ورکنگ کلاس پرٹیکس لگانےسےمعیشت مضبوط نہیں ہوگی۔ پاکستان کے نظراندازطبقے کو بجٹ میں شامل کرنے کے ساتھ ساتھ خواتین اور اقلیتوں کو معاشی طور پر مضبوط کرنا ہوگا۔

ان کا کہنا تھا کہ سولہ دسمبر کا سانحہ مڈل کلاس طبقے کو نظر انداز کرنے کی ہی وجہ سے پیش آیا۔ فاروق ستار نے کہا کہ کرپشن سے متعلق احتساب کا مکمل اور مؤثر نظام قائم کرناہوگا۔

پاکستان کوکرپشن سے پاک کرنا،قائد ایم کیوایم کا وژن ہے، انہوں نے کہا کہ میرٹ اور انصاف کے تقاضوں کو ند نظر رکھتے ہوئے نظام قائم کرنا ہوگا، ایک سوال کے جواب میں ان کا کہنا تھا کہ اوورسیز پاکستانیوں کو نظر انداز کیا گیا تو ملک کو ناقابل تلافی نقصان ہو سکتا ہے۔

 

Comments

comments

یہ بھی پڑھیں