site
stats
سندھ

پیپلز پارٹی اپنے دن گننا شروع کردے، پورا حساب لیں گے، فاروق ستار

کراچی : متحدہ قومی موومنٹ پاکستان کے سربراہ ڈاکٹر فاروق ستار نے کہا ہے کہ پیپلز پارٹی آج سے اپنے دن گننا شروع کر دے، ایک ایک پائی کا حساب لیں گے۔ عامرخان کا کہنا تھا کہ چاکنگ کرنے والے لندن کے نہیں ناکام دھرنا دینے والے لوگ ہیں۔

ان خیالات کا اظہارانہوں نے کراچی میں میئرکے حقوق کے لیے نکالے گئے نہت بڑے احتجاجی مارچ سے خطاب کرتے ہوئے کیا، احتجاجی مارچ لیاقت آباد دس نمبر سے مزار قائد نمائش چورنگی تک کیا گیا تھا۔ اس موقع پر ایم کیو ایم کے کارکنان اورعوام کی بڑی تعداد نے ہاتھوں میں پارٹی پرچم تھامے لیاقت آباد دس نمبر سے مزار قائد تک مارچ کیا۔

شرکاء سے خطاب کرتے ہوئے فاروق ستار کا کہنا تھا کہ ایم کیو ایم کے ووٹرز اورسپورٹرز ناقابل تقسیم ہیں، جیسے ووٹرز اور سپورٹرز ہمارے پاس ہیں ویسے کسی سیاسی جماعت کے پاس نہیں ہیں۔

 ایم کیو ایم پاکستان کے سب سے بڑے شہر کے مسائل کے حل اور اس کے مئیر کو اختیارات دلانے کے لیے سڑکوں پر نکل ائی ہے۔ ہم سیاست کو تو چھوڑ سکتے ہیں لیکن اپنے شہداء کے خون کا کسی صورت سودا نہیں کرسکتے۔

سربراہ ایم کیوایم پاکستان نے کہا کہ ہم نے تشدد اورتصادم کی سیاست کو ہمیشہ کیلئے خیرباد کہہ دیا ہے،لندن میں بیٹھے لوگوں کے کراچی اورلندن میں گھر دیکھیں عوام کو واضح فرق نظر آجائے گا۔ ہم نے 23 اگست کو لوگوں کو متحد رکھنے کا کام کیا تھا، ہمارے اس دن کے اقدام کو ہلکا نہ لیا جائے، ۔

مزید پڑھیں : فاروق ستار کے خلاف وال چاکنگ ناکام دھرنے والوں نے کروائی، عامر خان

انہوں نے کہا کہ ایم کیوایم پاکستان نے کبھی تقسیم کی بات نہیں کی، سندھ کےشہری علاقوں کی حقوق کی بات کرتےہیں، 23 اگست سے کہہ رہے ہیں کہ جائز سیاسی جگہ دیں، ایم کیوایم پاکستان کے دفاترکھلیں گے تو آپ خود انقلاب دیکھ لیں گے، آج کے بعد کارکنوں کے ساتھ انصاف کا آغازہوگا اور ہمارے بےگناہ کارکنان بہت جلد رہا ہونگے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top