پی ٹی آئی حکومت سے بھرپور تعاون جاری رکھیں گے، ڈاکٹر فہمیدہ مرزا -
The news is by your side.

Advertisement

پی ٹی آئی حکومت سے بھرپور تعاون جاری رکھیں گے، ڈاکٹر فہمیدہ مرزا

اسلام آباد : جی ڈی اے رہنما ڈاکٹر فہمیدہ مرزا نے کہا ہے کہ موجودہ حکومت سے بھرپور تعاون جاری رہے گا، اسمبلی میں بلوچستان کی نمائندگی حوصلہ افزاء ہے۔

ان خیالات کا اظہار انہوں نے قومی اسمبلی کے پہلے اجلاس میں اظہار خیال کرتے ہوئے کیا، نو منتخب رکن قومی اسمبلی اور جی ڈی اے رہنما ڈاکٹر فہمیدہ مرزا نے خطاب کرتے ہوئے کہا کہ نو منتخب اسپیکر و ڈپٹی اسپیکر کو مبارکباد دیتی ہوں۔

ان کا کہنا تھا کہ بلوچستان سے نمائندگی آنا حوصلہ افزاء بات ہے، جی ڈی اے کی جانب سے حکومت کو بھرپور سپورٹ جاری رہے گی۔

قومی اسمبلی کی پہلی خاتون اسپیکر کے طور پر اظہار خیال کرتے ہوئے ڈاکٹر فہمیدہ مرزا نے کہا کہ مجھے اس وقت بہت سے چیلنجز کا سامنا تھا، میں نے ایوان کی بالادستی اور تقدس کیلئے اقدامات اٹھائے، کبھی ذاتی مسائل کو اسپیکر کی کرسی تک نہیں پہنچنے دیا، آج شخصیات اداروں سے مضبوط نظر آتی ہیں۔

یاد رہے کہ گزشتہ روز نامزد وزیراعظم عمران خان سے گرینڈ ڈیمو کریٹک الائنس (جی ڈی اے) کی رہنما فہمیدہ مرزا نے بنی گالہ اسلام آباد میں ملاقات کی، جس میں سیاسی اور پارلیمانی امور پر مشاورت کی گئی۔

مزید پڑھیں : ڈاکٹر فہمیدہ مرزا کا گرینڈ ڈیموکریٹک الائنس کا حصہ بننے کا اعلان

ملاقات میں نعیم الحق، نامزد گورنر سندھ عمران اسماعیل اور علی زیدی اور دیگر بھی موجود تھے۔ اس حوالے سے ذرائع کا کہنا ہے کہ ڈاکٹر فہمیدہ مرزا کو اہم ذمہ داریاں ملنے کابھی امکان ہے۔

Comments

comments

یہ بھی پڑھیں