تاریخ داں‘ سابق وزیرِ تعلیم حمیدہ کھوڑو انتقال کرگئیں -
The news is by your side.

Advertisement

تاریخ داں‘ سابق وزیرِ تعلیم حمیدہ کھوڑو انتقال کرگئیں

کراچی: ممتاز تاریخ داں‘ ماہرتعلیم اور سندھ کی سابق وزیرِ تعلیم ڈاکٹرحمیدہ کھوڑو طویل علالت کےبعد انتقال کرگئیں۔

تفصیلات کے مطابق سابق وزیراعلیٰ سندھ ایوب کھوڑو کی صاحبزادی اور سندھ یونی ورسٹی کے شعبہ تاریخ کی سابق سربراہ ڈاکٹر حمیدہ کھوڑو آج بروز اتوار 81 سال کی عمر میں کراچی میں اپنے خالقِ حقیقی سے جاملیں۔

ڈاکٹر حمیدہ کھوڑو نے کراچی اور آکسفورڈ یونی ورسٹی سے تعلیم حاصل کی اور ساؤتھ ایشین ہسٹری میں پی ایچ ڈی کی تھی۔انہوں نےتاریخ کےموضوع پردوکتابیں اوراپنےوالد اورسابق وزیراعلیٰ سندھ ایوب کھوڑو کی سوانح حیات بھی مرتب کی۔

حمیدہ کھوڑو تعلیم کے ساتھ سیاست کے میدان میں بھی سرگرم رہیں ‘ 1987 میں انہوں نے سندھ نیشنل الائنس میں شمولیت اختیار کی جبکہ 1993 میں وہ پاکستان مسلم لیگ میں شامل ہوگئیں۔

انہیں 1990 میں وزیرتعلیم مقرر کیا گیا اوراس کے بعد سابق صدر پرویز مشرف کے دورِ حکومت میں سن 2004 میں ایک بارپھر تعلیم کی وزارت سونپی گئی۔

وزیراعظم میاں محمد نوازشریف نےسندھ کی سابق وزیرتعلیم حمیدہ کھوڑو کے انتقال پراظہارافسوس کیااور مرحومہ کےاہل خانہ سے تعزیت کی ہے۔

وزیراعظم نوازشریف نےکہاکہ ڈاکٹرحمیدہ کھوڑوکےانتقال سےملک عظیم ماہرتعلیم سےمحروم ہوگیا،انہوں نےکہاکہ مرحومہ کی تعلیم،ادب کےلیےخدمات ہمیشہ یادرکھی جائیں گی۔

Comments

comments

یہ بھی پڑھیں