اسلام آباد : ترجمان دفترخارجہ ڈاکٹرمحمد فیصل کا کہنا ہے کہ پاکستانی سفارت خانے کی کوششوں سے عراق میں پھنسے زائرین کا مسئلہ حل ہوگیا۔
تفصیلات کے مطابق پاکستانی سفارت خانے کی کوششوں کے باعث بغداد ایئرپورٹ پر کئی روز سے محصور زائرین کو واپس وطن بھیج دیا گیا۔
ترجمان دفتر خارجہ نے سماجی رابطے کی ویب سائٹ ٹویٹر پر اپنے پیغام میں بتایا کہ عراق میں پاکستانی سفارت خانہ تمام زائرین کو وطن بھیجنے میں کامیاب ہوگیا۔
Good news – Our Embassy in Iraq has successfully managed to send all our stranded Zaireen to Pakistan. Welcome home. Inquiry being initiated against the tour operator whose inefficiency led to the problem for Pakistanis – kudos to Amb Sajid Bilal and his team.
— Dr Mohammad Faisal (@DrMFaisal) November 10, 2018
ڈاکٹرمحمد فیصل نے زائرین کو وطن آنے پر خوش آمدید کہتے ہوئے کہا کہ ٹور آپریٹر کے خلاف انکوائری کا آغاز کردیا گیا ہے جس کی وجہ سے زائرین کو مشکلات کا سامنا کرنا پڑا۔
ترجمان دفتر خارجہ نے عراق میں پاکستانی سفیرساجد بلال اور ان کی ٹیم کو خراج تحسین پیش کیا۔
بغداد ایئر پورٹ پر پھنسے 120 پاکستانیوں کی حکومت سے امداد کی اپیل
یاد رہے کہ دو روز قبل بغداد ایئر پورٹ پر پھنسے 120 پاکستانیوں نے وطن واپسی کے لیے حکومت سے امداد کی اپیل کی تھی، مذکورہ افراد کو ٹریول ایجنٹ نے وقت پرپاسپورٹ فراہم نہیں کیے تھے۔
