The news is by your side.

Advertisement

‘وزیراعظم پاکستان اور آرمی چیف نے سکھوں کے دل جیت لئے’

اسلام آباد : ڈاکٹررمیش سنگھ نے کہا ہے کہ وزیراعظم پاکستان اورآرمی چیف نے سکھوں کےدل جیت لئے، پاکستان نے سکھ برادری پر بہت بڑا احسان کیا ہے، جس پر شکر گزار ہیں۔

تفصیلات کے مطابق کرتارپور راہداری کے افتتاح کے موقع پر ڈاکٹر رمیش سنگھ نے اے آر وائی نیوز سے خصوصی گفتگو میں کہا ہے کہ سکھ برادری پر پاکستان نے بہت بڑا احسان کیا ہے، آرمی چیف اور وزیراعظم پاکستان کے شکر گزار ہیں۔

ڈاکٹررمیش سنگھ کا کہنا تھا کہ وزیراعظم عمران خان کرتارپور راہداری کا افتتاح کرنے جارہے ہیں، وزیراعظم پاکستان اور آرمی چیف نے سکھوں کے دل جیت لئے، دونوں نے منصوبے کو عملی جامہ پہنایا۔

مزید پڑھیں : سابق بھارتی وزیراعظم پاکستان پہنچ گئے

انھوں نے کہا بھارتی میڈیا پروپیگنڈا کررہا ہے تو یہ غلط ہے، بھارتی پنجاب کا میڈیا کرتارپور راہداری کو سراہتا ہے، مقبوضہ کشمیر میں بھارتی مظالم بند ہونے چاہئیں، کشمیریوں پر ہونیوالے مظالم کیخلاف سکھوں نے احتجاج کئے، مقبوضہ کشمیر کے عوام کو ان کا حق ملنا چاہیے۔

یاد رہے وزیراعظم عمران خان سکھ مذہب کے بانی بابا گرونانک کے تاریخی جنم دن پر کرتارپور راہداری کا افتتاح کریں گے، پروقار تقریب کی تمام تر تیاریاں مکمل کرلی گئیں ہیں ،  تاریخ میں پہلی بار سکھ زائرین نارووال میں اپنی مذہبی عبادت گاہ پر بغیر ویزے کے آسکیں گے۔

واضح رہے کہ جذبہ خیرسگالی کے تحت 28 نومبر 2018ء کو وزیراعظم عمران خان نے کرتارپور راہداری کا سنگ بنیاد رکھا تھا اور پاکستان کی جانب سے سکھ برادری کے لیے شاندار انتظامات کئے گئے تھے۔

Comments

comments

یہ بھی پڑھیں