اسلام آباد : وزیراعظم کے معاون خصوصی ڈاکٹر ثانیہ نشتر نے عوام کیلئے احساس ایمرجنسی کیش پروگرام کے تحت 5 اہم اعلانات کردیے اور گزارش کی کہ پیغامات کوعوامی مفادمیں زیادہ سےزیادہ نشر کریں۔
تفصیلات کے مطابق وزیراعظم کے معاون خصوصی ڈاکٹر ثانیہ نشتر نے سماجی رابطے کی ویب سائٹ ٹوئٹر پر اپنے پیغام میں کہا کہ احساس ایمرجنسی کیش کیلئے5اعلانات عوام کیلئےاہم ہیں، میڈیاسےالتماس ہےپیغامات کوعوامی مفادمیں زیادہ سےزیادہ نشر کریں۔
معاون خصوصی ثانیہ نشترنے اپنے ٹوئٹ کےذریعے پیغامات بھی شیئر کردیئے۔
احساس ایمرجنسی کیش کے حوالے سے مندرجہ زیل پانچ ضروری اعلانات عوام کی معلومات کیلیئے بہت اہم ہیں۔ تمام ٹی وی اور ریڈیو چینلوں سے التماس ہے کہ ان پیغامات کو عوام الناس کے مفاد میں زیادہ سے زیادہ نشر کریں۔ pic.twitter.com/JcsykUgwvi
— Sania Nishtar (@SaniaNishtar) April 24, 2020
گذشتہ روز وزیراعظم کی معاون خصوصی ڈاکٹرثانیہ نشتر نے کہا تھا کہ احساس پروگرام کےتحت پہلی کیٹگری میں 80 فیصدکام مکمل کرلیا گیا ہے اور دوسری کیٹگری میں کام شروع ہوچکا ہے جبکہ تیسری کیٹگری پر کام جلد شروع ہوجائے گا۔
ڈاکٹرثانیہ نشتر کا کہنا تھا کہ احساس پروگرام کےتحت ملک بھر کےمستحقین میں رقوم کی تقسیم جاری ہے، گزشتہ چودہ روزکےدوران 50 لاکھ 75 ہزارخاندانوں میں ایمرجنسی کیش تقسیم کیا گیا اور 80 لاکھ سے زائد لوگ اس وجہ سے مسترد ہوئے کیونکہ ایک خاندان سے چار سے چھ لوگوں نے رابطہ کیا تھا جبکہ 12ہزارسرکاری ملازمین کومسترد کیا گیا۔
خیال رہے وزیراعظم نے لاک ڈاؤن کے دوران مستحق افراد کو بارہ ہزار روپے فی خاندان دینے کااعلان کرتے ہوئے کہا تھا کہ مستحقین میں ایک سو چوالیس ارب روپے کی رقم تقسیم کی جائے گی۔
عمران خان کی حکومت کے احساس ایمرجنسی کیش پروگرام کو عالمی میڈیا میں بھی پذیرائی ملی تھی اور امریکی نشریاتی ادارے نے اس حوالے سے رپورٹ بھی شائع کی تھی۔
