اسلام آباد : معاون خصوصی ڈاکٹر ثانیہ نشتر کا کہنا ہے کہ وہ افراد جو 8171 پر امدادی رقم کیلئے اندراج کروا چکےہیں، وہ پورٹل پر شناختی کارڈ نمبر درج کر کے اہلیت معلوم کرسکتے ہیں۔
تفصیلات کے مطابق احساس ایمرجنسی کیش پروگرام سے متعلق معاون خصوصی ڈاکٹر ثانیہ نشتر نے اپنے ویڈیو پیغام میں کہا ہے کہ عوام احساس پروگرام میں ویب پورٹل پراہلیت کی تصدیق کرسکتے ہیں، طریقہ کار جاننےکیلئےمعلوماتی ویڈیو جاری کر دی گئی ہے۔
ڈاکٹر ثانیہ نشتر کا کہنا تھا کہ جو افراد 8171 پر امدادی رقم کیلئے اندراج کروا چکے ہیں، وہ ویب پورٹل پر شناختی کارڈ نمبر درج کر کے اہلیت معلوم کرسکتے ہیں۔
احساس ایمرجنسی کیش پروگرام میں ویب پورٹل کے ذریعے اپنی اہلیت کی تصدیق کا طریقۂ کار جاننےکیلیئے یہ معلوماتی ویڈیو ملاحظہ کریں۔ وہ افراد جو 8171 پر امدادی رقم کیلیئے اندراج کروا چکےہیں وہ پورٹل پر شناختی کارڈ نمبر درج کر کےاپنی اہلیت معلوم کرسکتےہیں۔#EhsaasEmergencyCash @PakPMO pic.twitter.com/kyVEk17oT3
— Sania Nishtar (@SaniaNishtar) July 28, 2020
یاد رہے معاون خصوصی ڈاکٹر ثانیہ نشتر نے پریس کانفرنس کرتے ہوئے کہا تھا کہ احساس ایمرجنسی کیش کا دائرہ بڑھایا جارہا ہے، پروگرام کو203ارب تک بڑھا رہے ہیں ، جس سے پاکستان کی آدھی آبادی پروگرام سے مستفید ہوسکے گی۔
ڈاکٹر ثانیہ نشتر کا کہنا تھا کہ پروگرام کوعالمی سطح پربہت پذیرائی مل رہی ہے، سماجی بھلائی کا سب سےبڑا اور سب سے تیز پروگرام کیا، اس پروگرام میں وزیراعظم بھی ایک کیس ڈال اور نکال نہیں سکتے تھے۔
