The news is by your side.

Advertisement

اے پی سی کا اعلامیہ ’’ کھودا پہاڑنکلا چوہا ‘‘ کے مترادف ہے، شہبازگل

لاہور : ترجمان وزیراعلیٰ پنجاب شہبازگل نے کہا ہے کہ اے پی سی کا اعلامیہ کھودا پہاڑنکلا چوہا، کے مترادف ہے، خوامخواہ چائےکی پیالی میں طوفان مچانےکی کوشش کی گئی۔

ان خیالات کا اظہار انہوں نے اے پی سی اعلامیے پر ردعمل میں میڈیا سے گفتگو کرتے ہوئے کہی، شہبازگل کا کہنا تھا کہ اپوزیشن اعلامیہ سے قوم کو شدید مایوسی ہوئی، کھودا پہاڑ نکلا چوہا، کے مترادف ہے۔

بالآخر مولانا فضل الرحمٰن کی قیادت میں اسلام آباد میں بے روزگاروں کا اجتماع ہوا جس میں خوامخواہ چائے کی پیالی میں طوفان برپا کرنے کی کوشش کی گئی، مولانا اسمبلی سے اپوزیشن اراکین کو مستعفی کرناچاہتے تھے لیکن اپوزیشن پارٹیاں سمجھ دار نکلیں۔

شہبازگل نے کہا کہ چار سال تک وزیرخارجہ نہ لگانے والے کس منہ سے حکومت پر تنقید کررہے ہیں؟  پورے خاندان کو  بیرونی دوروں پر ساتھ لے جانے والے مگرمچھ کے آنسو بہارہے ہیں، جنہوں نے ملکی خزانے کو بےدردی سے لوٹا، آج وہی معیشت کا رونا رو رہے ہیں، ان کی مثال الٹا چور کوتوال کو ڈانٹے،جیسی ہے، خدارا عوام کو گمراہ نہ کریں۔

ترجمان وزیراعلیٰ پنجاب کا مزید کہنا تھا کہ اشتہاری ملزم اسحاق ڈار کو ملک میں واپس بلائیں، ڈان لیکس، میمواسکینڈل،جندال کے پارٹنرخارجہ پالیسی جانتے ہی نہیں، اداروں پر کیچڑ اچھالنے والے کس منہ سے ملکی سلامتی کی بات کرتے ہیں؟ اپوزیشن چور لیڈر شپ چھوڑ چکی، آج15منٹ میں پنجاب کا بجٹ منظور ہوا۔

Comments

comments

یہ بھی پڑھیں