The news is by your side.

Advertisement

طاہر القادری لاہور پہنچ گئے،شاندار استقبال کیا گیا

لاہور: پاکستان عوامی تحریک کے سربراہ علامہ طاہر لاقادری آج علامہ اقبال ایئر پورٹ لاہور پہنچ گئے،کارکنان کی بڑی تعداد استقبال کے لیے موجود ہیں۔

تفصیلات کے مطابق پاکستان عوامی تحریک کے سربراہ اور ممتاز اسلامی اسکالر ڈاکٹر علامہ طاہر لاقادری آج لندن سے براستہ قطر لاہور پہنچ گئے ہیں، علامہ اقبال ایئر پورٹ پر پاکستان عوامی تحریک کے رہنما اور کارکنان بڑی تعداد میں اُن کے شانداراستقبال کے لیے موجود ہیں۔

Qadri-post-2

علامہ اقبال ایئر پورٹ پر موجود کارکنان نے ڈاکٹر علامہ طاہر القادری کی آمد پر اُن کا پر تپاک استقبال کیا،پھول برسائے،کبوتر چھوڑے گئے اور ویلکم ویلکم کے نعرے بلند کیے گئے،بعد ازاں وہ قافلے کے ہمراہ ماڈل ٹاؤن کے روانہ ہو جائیں گئے۔

QADRI POST 2

ماڈل ٹاؤن روانگی سے قبل ایئرپورٹ کے باہر میڈیا سے بات کرتے ہوئے انہوں نے اعلان کیا شہداء ماڈل ٹاؤں کے لواحقین کو انصاف دلوانے کے لیے 17 جون کو ماڈل ٹاؤں لاہور میں عظیم الشان احتجاجی دھرنا دیا جائے گا،دھرنے سے متعلق تفصیلات 17 جون کو دھرنے کے آغاز پر بتایا جائے گا۔

انہوں ماڈل ٹاؤں واقعہ کو یاد کرتے ہوئے کہا کہ دو سال گذر گئے ریاستی قتلَ عام کا انصاف نہیں ملا، معصوم بزرگوں، بچوں حتی کہ نہتی عورتوں تک کو حکومتِ پنجاب نے گولیوں سے بھون ڈالا،کیمرے کی آنکھوں سے یہ مناظر ساری دنیا نے دیکھے۔

انہوں نے مزید کہا کہ انصاف کے لیے در بدر کی ٹھوکرے کھائیں، لیکن جب قاتل ہی حکومت ہو،منصف ہوتو انصاف کہاں سے ملے گا؟

داکٹر طاہر القادری نے کہا کہ سپہ سالار کے شکر گذار ہیں کہ انہوں کی ہدایت پر ہماری ایف آئی آر درج ہوئی اور اب آپ ہی سے سے انصاف دلوانے کی امید ہے،اگر آپ انصاف دلوائے بغیر چلے گئے تو یاد رکھیے اللہ آپ سے اس بارے مین ضرور سوال پوچھے گا۔
ایک سوال کے ضواب میں انہوں نے کہا کہ پارلیمانی کمیٹی اور ٹی او آرز سے کچھ برآمد نہیں ہوگا، ہم نے احتجاجی دھرنے میں شرکت کے لیے ایک ایک سیاسی جماعت سے رابطہ کیا ہے،اگر کوئی ہمارے قافلے میں شامل ہوا تو ویلک کریں گے۔

تحریک انصاف کی دھرنے سے لاتعلق رہنے کے سوال پر انہوں نے جواب دیا کہ میں کسی ایمپائر کو نہیں جانتا کیوں کہ میں کرکٹر نہیں ہوں،ایمپائر کی انگلی کبھی سیدھی اُٹھتی ہے،کبھی اوپر کبھی نیچے کبھی دائین تو کبھی بائیں،مجھے اس کا کچھ نہیں پتہ ہے۔

یاد رہے ماڈل ٹاؤن سانحہ کی دوسری برسی کے موقع پر انصاف نہ ملنے کے باعث پاکستان عوامی تحریک ماڈل ٹأن لاہور پر 17 جون کو دھرنا دیں گے۔

واضح رہے اس سے قبل بھی ڈاکٹر طاہر القادری پاکستان پیپلز پارٹی کے دور میں بھی سخت سردیوں میں دھرنا دیا تھا،اُس کے بعد تحریک انصاف کے ساتھ بھی دھرنا بھی دیا تھا۔

Print Friendly, PDF & Email

Comments

comments

یہ بھی پڑھیں