لاہور : ڈاکٹر طاہرالقادری کے احتجاج میں تحریک انصاف نے بھی شامل ہونے کا فیصلہ کرلیا، اس سے قبل مسلم لیگ ق اورشیخ رشید بھی حمایت کا اعلان کرچکے ہیں۔
تفصیلات کے مطابق شیخ رشید کی بیک ڈور کوششیں آخر رنگ لے ہی آئیں ۔ ڈاکٹر طاہرالقادری کے احتجاج میں تحریک انصاف نے بھی شامل ہونے کا فیصلہ کرلیا ہے۔
اس سے پہلے مسلم لیگ ق اور عوامی مسلم لیگ بھی احتجاج کی حمایت کا اعلان کرچکے ہیں، ڈاکٹر طاہر القادری کی پاکستان آمد کے بعد عمران کی زیر صدارت تحریک انصاف کا بنی گالہ اجلاس ہوا۔
اجلاس میں تحریک انصاف کی جانب سے طاہرالقادری کے احتجاجی دھرنے کی حمایت کا فیصلہ کیا گیا اورحکومت مخالف احتجاج کےامورپر تبادلہ خیال کیا گیا۔
طاہرالقادری نے سترہ جون کو احتجاجی دھرنے کا اعلان کیا ہے۔ مسلم لیگ ق اور عوامی مسلم لیگ کے سربراہ شیخ رشید نے احتجاج میں بھر پور شرکت کی یقین دھانی کرائی تھی۔
تحریک انصاف کی جانب سے جاری پریس ریلیز کے مطابق تحریک انصاف اپنا نمائندہ وفد عوامی تحریک کے احتجاج میں بھیجے گی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں