The news is by your side.

Advertisement

اپوزیشن واک آؤٹ کے بجائے وزیراعظم سےسوال کرتی، علامہ طاہرالقادری

لاہور: پاکستان عوامی تحریک کے سربراہ علامہ طاہرالقادری نے کہا ہے کہ آج ہونے والے قومی اسمبلی کے اجلاس میں اپوزیشن کو وزیراعظم نوازشریف کی غلط بیانی کا جواب پارلیمنٹ کے فلورپرہی دینا چاہیئے تھا۔

یہ بات انہوں نے اے آر وائی نیوز سے خصوصی گفتگو کرتے ہوئے کہی، علامہ طاہرالقادری نے اپنی گفتگو میں اپوزیشن رہنماؤں پر تنقید کی بارش کردی۔

انہوں نے کہا کہ اپوزیشن ایوان میں واک آؤٹ کے بجائے وزیراعظم سے سوال کرتی، ثبوت دیتی، یہ واک آؤٹ کا نہیں ناک آؤٹ کا دن تھا۔

علامہ طاہرالقادری نےکہا کہ اپوزیشن کو پارلیمنٹ میں وزیراعظم کی جائیداد کے دستاویزات دکھانی چاہیئے تھی۔ اسمبلی کی حالیہ کارروائی سےایسا لگ رہا ہے کہ نورا کشتی ہورہی ہے۔

علامہ طاہرالقادری نےکہا کہ پنامالیکس کامعاملہ جعلی جنگ کے ذریعے آگے کھینچنے کی کوشش کی جارہی ہے۔ کچھ پارٹیوں نے دوسری پارٹیوں کوٹرک کی لائٹ کے پیچھے لگایاہوا ہے۔


Opposition should have handed evidences to… by arynews

Comments

comments

یہ بھی پڑھیں