site
stats
پاکستان

ملک دشمن وزیراعظم سے نجات حاصل کرنا ہوگی، ڈاکٹرطاہرالقادری

ملتان : پاکستان عوامی تحریک کے سربراہ ڈاکٹر طاہرالقادری نے کہا ہے کہ سانحہ ماڈل ٹاؤن کے قاتل پکڑے گئے توآئندہ حکمران ظلم نہیں کرسکیں گے، حکومت چھوٹو گینگ سے ڈرتی اور مظلوموں پرظلم کرتی ہے، ملک دشمن وزیراعظم سے نجات حاصل کرنا ہوگی۔

ان خیالات کا اظہارانہوں نے ملتان میں پاکستان عوامی تحریک کی قصاص تحریک کے سلسلے میں دھرنے کے شرکاء سے ویڈیو لنک کے ذریعے خطاب کرتے ہوئے کیا۔


Arrest of Model Town tragedy culprits vital for… by arynews

ڈاکٹر طاہرالقادری نے اپنے خطاب وزیر اعظم نواز شریف کو شدید تنقید کا نشانہ بناتے ہوئے کہا کہ پنجاب کی سڑکوں پر بربریت کا راج ہے۔ پارلیمنٹ کے فلور پر الزام تراشی پر وزیراعظم خاموش رہتا ہے۔ دشمنوں سے مدد مانگی گئی لیکن وزیراعظم کی زبان پر تالا لگا ہے، وہ بھارتی وزیراعظم کے بیانات کا جواب بھی نہیں دیتے۔ دہشت گردی کا نیٹ ورک چلانے والا پکڑا گیا شریف برادران چپ رہے۔

انہوں نے کہا کہ اس ملک دشمن وزیراعظم سے نجات حاصل کرنا ہوگی۔ اس کیلئے سب لوگوں کو اپنے گھروں سے نکلنا ہوگا۔

طاہر القادری نے کہا کہ حکمران اقتدار کے نشے میں اندھے ہو چکے ہیں۔ ان کو ماڈل ٹاون کے شہداء کے خون کا حساب دینا ہوگا۔ ان کا کہنا تھا کہ جب تک ہمیں ان شہداء کا انصاف نہیں مل جاتا ہماری تحریک جاری رہے گی۔

قائد ایم کیو ایم کے پاکستان مخالف بیان پرانہوں نے کہا کہ وفاق کہتا ہے کہ ملک کو گالیاں دینے پر برطانیہ کو خط لکھ دیا ہے، ملک کو گالیاں دی جارہی ہیں اور وزیراعظم چپ بیٹھے ہیں، دراصل گالیاں دینے والوں کے پیچھے بھی ان کے چہرے ہیں، احتساب کے نام پر قوم سے کھیلا جارہا ہے۔

انہوں نے سوال کیا کہ 150میگا کرپشن اسکینڈلز پر کارروائی کب ہوگی۔ ڈاکٹر طاہرالقادری نے پی اے ٹی کےاحتجاج کے شرکاء کو مبارکباد دیتے ہوئے کہا کہ بارش کے بعد بھی ملتان میں ہزاروں عوام کااحتجاج دنیا دیکھ رہی ہے۔

انہوں نے کہا کہ میں نہیں سمجھتا کہ اتنے سخت موسم میں کوئی جماعت اتنا بڑا احتجاج کرسکتی ہے، دھرنے کے شرکاء سے عوامی مسلم لیگ کے سربراہ شیخ رشید نے بھی خطاب کیا۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top