site
stats
پاکستان

شہداء ماڈل ٹاؤن کے قاتلوں کی گرفتاری کیلئے رینجرز آپریشن کیا جائے، ڈاکٹر طاہرالقادری

استنبول : پاکستان عوامی تحریک کے سربراہ ڈاکٹر طاہرالقادری نے کہا ہے کہ عوام شہداء ماڈل ٹاؤن کے قاتلوں کی گرفتاری کیلئے رینجرز آپریشن کے منتظر ہیں۔ گھبرانے والا نہیں ہوں بائیس دسمبر کو لاہور پہنچوں گا۔

ان خیالات کا اظہار انہوں نے ٹورنٹو سے استنبول پہنچنے پر میڈیا سے گفتگو کرتے ہوئے کیا۔ پی اے ٹی کے سربراہ ڈاکٹر طاہرالقادری کا کہنا تھا کہ وہ عالمی میلاد کانفرنس سے خطاب کیلئے وطن جا رہے ہیں۔

سانحہ ماڈل ٹاؤن کے حوالے سے انہوں نے کہا کہ وہ شہدائے ماڈل ٹاؤن کو بھولے ہیں نہ ہی شہداء کے خون کو معاف کریں گے۔

انہوں نے کہا کہ وطن واپسی سے پہلے جھوٹی ایف آئی آر پر فرد جرم عائد کی گئی لیکن وہ گھبرانے والے نہیں، بائیس دسمبر کو لاہور پہنچیں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top