site
stats
پاکستان

بھارتی ڈاکٹر عظمیٰ کی شوہر کے خلاف عدالت میں درخواست

اسلام آباد: بھارتی شہری ڈاکٹر عظمیٰ نے شوہر طاہر علی کے خلاف ہائیکورٹ میں درخواست دائر کردی۔ عظمیٰ کا کہنا ہے کہ سیکیورٹی خدشات کے باعث بھارت واپس جانا چاہتی ہوں۔

تفصیلات کے مطابق بھارت سے محبت کی شادی کرنے کے لیے آنے والی ڈاکٹر عظمیٰ نے شوہر پر سنگین الزامات عائد کرنے کے بعد اب اس کے خلاف ہائیکورٹ میں درخواست بھی دائر کردی۔

اسلام آباد ہائیکورٹ میں دائر درخواست میں سیکریٹری خارجہ اور طاہر علی کو فریق بنایا گیا ہے۔

ڈاکٹر عظمیٰ نے درخواست میں مؤقف اختیار کیا ہے کہ ان کا شوہر طاہر انہیں ہراساں کر رہا ہے۔ سیکیورٹی خدشات ہیں لہٰذا وہ بھارت واپس جانا چاہتی ہیں۔

یاد رہے کہ ڈاکٹر عظمیٰ اور صوبہ خیبر پختونخواہ کے شہر بونیر کے رہائشی طاہر علی کی دوستی ملائیشیا میں ہوئی تھی جو محبت میں بدل گئی۔ کچھ عرصہ بعد ڈاکٹر عظمیٰ، طاہر سے شادی کرنے کے لیے واہگہ بارڈر سے پاکستان پہنچیں جس کے بعد دونوں کا نکاح انجام پایا۔

مزید پڑھیں: پاکستانی شہری نے گن پوائنٹ پر نکاح کیا: بھارتی خاتون کا الزام

دو روز بعد ڈاکٹر عظمیٰ طاہر کے بھارتی ویزے کی درخواست لیے 2 روز بھارتی ہائی کمیشن گئیں جہاں سے وہ منظر سے غائب ہوگئیں۔

تاہم اگلے ہی دن وہ منظر عام پر آگئیں اور انہوں نے اپنا بیان بدلتے ہوئے کہا کہ ان سے گن پوائنٹ پر نکاح کروایا گیا۔

مقامی عدالت میں درخواست دائر کرنے کے بعد انہوں نے مبینہ شوہر پر گن پوانئٹ پر نکاح کے ساتھ ساتھ زیادتی اور تشدد کا الزام بھی لگا دیا۔ ان کا کہنا ہے کہ طاہر نشہ آور ادویات دے کر واہگہ بارڈر سے پاکستان لایا۔

ان کے مطابق وہ بہت مشکل سے ہائی کمیشن پہنچی ہیں اور یہاں پہنچ کر انہوں نے پناہ لے لی، اب وہ دہلی جانے تک یہیں رہیں گی۔

بعد ازاں ان دونوں کے نکاح کی ویڈیو بھی منظر عام پر آگئی جس میں ڈاکٹر عظمیٰ کو بخوشی اور پورے ہوش و حواس کے ساتھ نکاح کے لیے ہامی بھرتے دیکھا جاسکتا ہے۔

مزید پڑھیں: بھارتی ڈاکٹر عظمیٰ کے نکاح کی ویڈیو سامنے آگئی

دوسری جانب ڈاکٹر عظمیٰ کے شوہر طاہر علی مؤقف ہے کہ عظمیٰ نے اپنی مرضی سے شادی کی اور وہ اب جھوٹ بول رہی ہے۔

طاہر علی نے بھی اسلام آباد ہائیکورٹ سے رجوع کرلیا ہے اور اپنی درخواست میں موقف اپنایا کہ ڈاکٹر عظمیٰ نے دباؤ میں آ کر مجھ پر جھوٹے الزامات عائد کیے ہیں۔ درخواست پر فیصلے تک ڈاکٹر عظمیٰ کو بیرون ملک جانے سے روکا جائے۔

ادھر  دفتر خارجہ کا کہنا ہے کہ ڈاکٹر عظمیٰ کے معاملے پر بھارتی ہائی کمیشن سے رابطے میں ہیں۔ اس معاملے پر قانونی مراحل طے کیے جائیں گے۔

ترجمان کے مطابق قانون کارروائی مکمل ہونے کے بعد ڈاکٹر عظمیٰ کو ان کے وطن واپس روانہ کردیا جائے گا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top