عظمیٰ خان کے ساتھ کس نے بدتمیزی کی، اے آر وائی نے پتہ لگا لیا -
The news is by your side.

Advertisement

عظمیٰ خان کے ساتھ کس نے بدتمیزی کی، اے آر وائی نے پتہ لگا لیا

لاہور: چیئر مین پی ٹی آئی عمران خان کی بہن عظمیٰ خان کے ساتھ بدتمیزی کس شخصیت کے پروٹوکول اسٹاف نے کی اے آر وائی نیوز نے کھوج لگا لیا۔

تفصیلات کے مطابق لاہورمیں پیپلز پارٹی کے رہنما عاصم گجر جن کے گھر کے قریب کسی بڑی شخصیت کے پروٹوکول اسٹاف نے عمران خان کی بہن عظمیٰ خان کے ساتھ مبینہ بدتمیزی کی۔ جس پر شورمچ گیا۔

کسی نے کہا مریم نواز کا پروٹوکول تھا تو کسی نے فریال تالپور کا پروٹوکول بتایا۔ معاملہ الجھا ہوا تھا۔ مریم نواز نے بتایا وہ تو لاہور میں موجود ہی نہیں۔

خبر میڈیا میں گردش ہونے کے بعد پولیس کے اعلیٰ افسران عاصم گجر کے گھر پہنچے اور واقعہ کی انکوائری کی۔ عاصم گجر نے بتایا کہ ان کے گھر تعزیت کے لئے آزاد کشمیر کے صدر سردار یعقوب آئے تھے، جس کے بعد عظمیٰ خان ان کے گھر آئیں۔

اس سے معلوم ہوا کہ جس اہلکار نے عظمیٰ خان سے بدتمیزی کی وہ آزاد کشمیر کے صدر سردار یعقوب کے پروٹوکول اسٹاف میں شامل تھا۔

علاوہ ازیں لاہور میں ڈاکٹر عظمیٰ سے بدتمیزی کے معاملے پر مریم نواز نے کہا ہے کہ رمضان میں جھوٹ بولنے والوں کو شرم کرنی چاہیئے۔

ترجمان شریف فیملی نے کہا ہے کہ حقیقت کو حقیقت رہنے دیا جائے، ڈاکٹر عظمیٰ اپنے بھائی عمران خان کی طرح جھوٹ نہ بولیں، مریم نواز نے اپنے ٹوئٹ میں ڈاکٹر عظمیٰ سے ہمدردی کرتے ہوئے کہا کہ جب واقعہ ہوا اس وقت وہ اسلام آباد میں تھیں۔

مریم نواز نے کہا کہ وہ ساڑھے چار بجے اسلام آباد سے لاہور پہنچی ہیں۔ انہوں نے کہا کہ جھوٹ بولنے والوں کو رمضان میں شرم کرنی چاہیئے۔

ڈی آئی جی آپریشنز لاہور ڈاکٹر حیدر اشرف نے بتایا کہ ڈاکٹر عظمیٰ نے پولیس کو کوئی درخواست نہیں دی۔ نہ ہی آج گلبرگ میں کوئی وی آئی پی پروٹوکول تھا۔

 

Comments

comments

یہ بھی پڑھیں