The news is by your side.

Advertisement

‘ 60سال سے زائد عمر کے لوگوں کیلئے کورونا وائرس جان لیوا ثابت ہوسکتاہے’

لاہور : وزیرصحت پنجاب ڈاکٹر یاسمین راشد کا کہناہے کہ لاک ڈاؤن سے وائرس کا پھیلاؤ کم ہوا، 60 سال سےزائد عمر کے لوگوں کیلئے وائرس جان لیوا ثابت ہوسکتا ہے‌۔

تفصیلات کے مطابق وزیرصحت پنجاب ڈاکٹر یاسمین راشد نے اپنے بیان میں کہا ہے کہ لاک ڈاؤن سے فائدہ ہوا، وائرس کا پھیلاؤ کم ہوا، اب تقریباً ہر بندہ ماسک پہنتا ہے.

وزیرصحت پنجاب کا کہنا تھا کہ 60 سال سےزائد عمر کے لوگوں کو گھروں میں رکھیں اور باہر جانیوالے خود کو اس عمر کے لوگوں سے دور رکھیں، 60 سال سےزائد عمر کے لوگوں کیلئے وائرس جان لیوا ثابت ہوسکتا ہے‌۔

ڈاکٹر یاسمین راشد نے کہا کہ ہمارے ڈاکٹرز بہت محنت کررہےہیں ، ان کی شکرگزار ہوں ، ڈاکٹرز فرنٹ لائن پر کردار ادا کررہے ہیں ، ڈاکٹرز کی حفاظت ہم سب کی ذمہ داری ہے۔

ان کا کہنا تھا کہ سیکریٹری صحت کو ڈاکٹرز کی ضرورتیں پوری کرنےکاکہاہے، چین سےوینٹی لیٹرمنگوائےگئےہیں ، سوشل اسپتالوں کوبھی وینٹی لیٹرز ودیگر سہولتیں دیں گے، کپڑےکاماسک دھونےکےبعددوبارہ پہناجاسکتاہے۔

وزیرصحت پنجاب نے کہا کہ ہم اپنی تشخیص کاطریقہ کار مزید بہتر بنارہے ہیں، بظاہر یہ لگتا ہے اگلے دو ہفتےمیں مریضوں کی تعداد بڑھے گی، لوگوں سے درخواست کروں گی کہ ماسک ضرور پہنیں۔

ڈاکٹر یاسمین راشد کا کہنا تھا کہ ہم نےہراسپتال میں سیفٹی کٹس فراہم کی ہیں ، سیفٹ کٹس صرف ان کا پہننا ضروری ہے جو کورونامریضوں کو دیکھ  رہےہیں، اسپتالوں میں دیگر ڈاکٹرزکو این 95ماسک دےرہےہیں۔

Comments

یہ بھی پڑھیں