The news is by your side.

Advertisement

وزیر اعظم عمران خان سے وزیر صحت ڈاکٹر یاسمین راشد کی ملاقات

اسلام آباد : وزیر اعظم عمران خان نے وزیر صحت سے ملاقات کے دوران پنجاب میں صحت سے متعلق اصلاحات پر بریفنگ لی۔

تفصیلات کے مطابق وزیر اعظم پاکستان عمران خان نے گزشتہ روز وزیر صحت پنجاب ڈاکٹر یاسمین راشد سے ملاقات کی، ملاقات کے دوران وزیر اعظم نے ایم ٹی آئی سمیت صحت سے متعلق دیگر موضوعات پر بھی گفتگو کی۔

ذرائع کا کہنا تھا کہ ڈاکٹر یاسمین راشد نے عمران خان سے ملاقات کے دوران محکمہ صحت کی بہتری سے متعلق کیے جانے والے اقدامات پررپورٹ پیش کی۔

وزیر اعظم اور وزیر صحت پنجاب کی ملاقات کے دوران صوبہ پنجاب اورخیبر پختونخوا کے وزراء اور سیکریٹریز بھی موجود تھے۔

وزیرصحت پنجاب نے کہا تھا کہ ڈی ایچ کیو،ٹی ایچ کیواسپتالوں کی ری ویمپنگ کی جائے اور ایمرجنسی میں طبی سہولتیں یقینی بنائیں گے۔

اس سے قبل ہی وزیر اعلیٰ پنجاب سردار عثمان بزدار نے صحت کے شعبے میں خدمات انجام دینے والوں کو وبائی امراض کے مکمل خاتمے کے لئے انسداد ڈینگی مہم چلانے کی ہدایت کی ہے۔

سعودی عرب سے اپنے پیغام میں انہوں نے متعلقہ محکموں کے عہدیداروں کو مشورہ دیا تھاکہ وہ شعبوں میں رہیں اور انسداد ڈینگی ٹیموں کی کارکردگی پر گہری نظر رکھیں۔

Comments

comments

یہ بھی پڑھیں