The news is by your side.

Advertisement

ڈینگی مریضوں کے علاج معالجے میں غفلت برداشت نہیں کی جائیگی، ڈاکٹر ظفرمرزا

اسلام آباد : وزیراعظم کے معاون خصوصی ڈاکٹر ظفرمرزا نے سرکاری اسپتالوں کے اچانک دورے کیے اور ڈینگی وارڈز کا معائنہ کیا، انہوں نے کہا کہ ڈینگی مریضوں کے علاج معالجے میں غفلت برداشت نہیں کی جائیگی۔

تفصیلات کے مطابق معاون خصوصی ڈاکٹر ظفرمرزا نے اسلام ۤباد میں ایف جی ایچ، پولی کلینک، پمز، نِرم اسپتال کے دورے کیے۔

اس حوالے سے ترجمان وزارت صحت نے بتایا ہے کہ معاون خصوصی نے اسپتالوں میں خصوصی طور پر ڈینگی وارڈز کا معائنہ کیا۔

اس موقع پر سربراہ نِرم اسپتال ڈاکٹر فضل مولا نے معاون خصوصی کو ڈینگی وارڈ سے متعلق بریفنگ دی، ڈاکٹر فضل مولا نے بتایا کہ اسپتال میں 20بیڈز کا ڈینگی وارڈ قائم کردیا ہے۔

ڈاکٹر ظفرمرزا نے پمز اسپتال سے ڈینگی مریضوں کو نِرم اسپتال منتقل کرنے کی ہدایت جاری کی، وزارت صحت کا کہنا ہے کہ معاون خصوصی نے اسپتالوں میں ڈینگی میں مبتلا مریضوں کی تیمارداری کی اور اسپتالوں میں موجود سہولتوں کاجائزہ لیا۔

ڈاکٹر ظفر مرزا نے دستیاب سہولتوں اور مریضوں کےعلاج معالجے پر اپنے اطمینان کا اظہار کیا۔ اس موقع پر گفتگو کرتے ہوئے ڈاکٹر ظفرمرزا نے کہا کہ اسپتال انتظامیہ مریضوں کو مفت طبی سہولتوں کی فراہمی اور اسپتالوں میں ڈینگی ٹیسٹ اور ادویات کی دستیابی یقینی بنائی جائے۔

وفاقی اسپتالوں کے تمام عملے کی چھٹیاں منسوخ کر دی گئی ہیں اور اسپتال سربراہان کو ڈاکٹرز اور عملے کی حاضری یقینی بنانے کی ہدایت کردی گئی ہے۔

ظفر مرزا نے مزید کہا کہ وفاقی اسپتالوں میں ڈینگی وارڈز کی خود مانیٹرنگ کر رہاہوں، ڈینگی مریضوں کے علاج معالجے میں غفلت برداشت نہیں کی جائیگی، وزارت قومی صحت انسداد ڈینگی کیلئے ہنگامی اقدامات کررہی ہے۔

Comments

comments

یہ بھی پڑھیں