The news is by your side.

Advertisement

اسپتالوں میں ڈینگی سے نمٹنے کے لیے تمام وسائل دستیاب ہیں: ڈاکٹر ظفر مرزا

اسلام آباد: وزیر اعظم عمران خان کے معاون خصوصی ڈاکٹر ظفر مرزا کا کہنا ہے کہ اسپتالوں میں ڈینگی سے نمٹنے کے لیے تمام وسائل دستیاب ہیں، ڈینگی مچھر کی افزائش روکنے کے لیے بھرپور اقدامات یقینی بنا رہے ہیں۔

تفصیلات کے مطابق وزیر اعظم کے معاون خصوصی ڈاکٹر ظفر مرزا کی زیر صدارت ڈینگی پر جائزہ اجلاس ہوا۔ اجلاس میں انسداد ڈینگی کے اقدامات اور درپیش چیلنجز کا جائزہ لیا گیا۔

ڈاکٹر ظفر مرزا کو وزارت قومی صحت اور اسپتال انتظامیہ کی جانب سے بریفنگ دی گئی۔ بریفنگ میں بتایا گیا کہ ڈینگی کے 90 فیصد مریضوں کو اسپتال داخلے کی ضرورت نہیں۔ ڈینگی کے مریضوں کی گھر پر نگہداشت ممکن ہے۔

ڈاکٹر ظفر مرزا نے کہا کہ ڈینگی مریض اسپتال داخلے کے وقت گھر کا مکمل پتہ لکھوائیں، اسپتال میں داخل ڈینگی مریض کے گھر کے گرد اسپرے یقینی بنایا جائے۔

انہوں نے کہا کہ وزیر اعظم کی ہدایت پر انسداد ڈینگی کے لیے ہنگامی اقدامات جاری ہیں، ڈینگی مچھر کی افزائش روکنے کے لیے بھرپور اقدامات یقینی بنا رہے ہیں۔ ڈینگی مچھر کی افزائش روکنے کے لیے سرویلنس ٹیموں کی تعداد دگنی کی جائے۔

اجلاس سے قبل میڈیا سے گفتگو کرتے ہوئے ظفر مرزا نے کہا کہ ڈینگی کے زیادہ کیسز راولپنڈی اور اسلام آباد میں رپورٹ ہو رہے ہیں۔ اسپتالوں میں ڈینگی سے نمٹنے کے لیے تمام وسائل دستیاب ہیں۔

انہوں نے کہا کہ ہر مریض ابتدائی مرحلے پر ہی اسپتال داخل ہونا چاہتا ہے، ڈینگی کے تدارک کے لیے احتیاطی تدابیر بہت ضروری ہیں۔ جہاں ڈینگی وائرس رپورٹ ہو فوری کارروائی کی جاتی ہے۔

Comments

comments

یہ بھی پڑھیں