The news is by your side.

Advertisement

خوفناک اژدہے کی گھر میں چہل قدمی، اہلخانہ خوف سے ہکا بکا

بنکاک : ان دنوں سوشل میڈیا پر ایک دیو ہیکل اژدہے کی ویڈیو نے ہلچل مچا رکھی ہے، گھر میں داخل ہونے والے خوفناک اژدہے کو دیکھنے والے دم بخود رہ گئے۔

ویڈیو کے مناظر میں دیکھا جاسکتا ہے کہ اژدھا گھر میں داخل ہونے کے بعد کس انداز سے واپس گیا۔ یہ واضح نہیں ہوسکا کہ اژدھے کی یہ ویڈیو تھائی لینڈ کے کس علاقے کی ہے تاہم سانپ کے مناظر حیران کن تھے جس پر انٹرنیٹ صارفین نے خوف کا بھی اظہار کیا۔

ویڈیو میں دیکھا جاسکتا ہے کہ سانپ دیوار پر رینگتا ہوا چھت پر گیا اور پھر وہاں سے اتر کر نامعلوم مقام کی جانب چل پڑا۔ اژدہا جب گھر کی چھت پر گیا تو وہاں ایک خوش نصیب بلی بھی ٹہلتی ہوئی نظر آئی جسے اگر وہ دیکھ لیتا تو شاید وہ نظر نہ آتی۔

سوشل میڈیا صارفین نے بلی کے حوالے سے بھی دلچسپ تبصرے کیے، کسی کا کہنا تھا کہ بلی پر حملہ بھی ہوسکتا تھا۔

ایک سوشل میڈیا صارف نے حیرانگی کا اظہار کرتے ہوئے کہا کہ ایسی جسامت رکھنے والا سانپ کیسے دیوار  پر رینگ سکتا ہے۔

Comments

یہ بھی پڑھیں