The news is by your side.

Advertisement

نالوں کی صفائی کا عمل مسلسل جاری ہے، ناصر حسین شاہ

کراچی: وزیر بلدیات سندھ ناصر حسین شاہ کا کہنا ہے کہ نالوں کی صفائی کا عمل مسلسل جاری ہے۔

تفصیلات کے مطابق صوبائی وزیر بلدیات ناصر حسین شاہ نے کراچی کے مختلف علاقوں کا دورہ کیا اور بارش کے بعد کی صورت حال کا جائزہ لیا۔سیکریٹری بلدیات نے ناصر حسین شاہ کو صورت حال پر بریفنگ دی۔

اس موقع پر صوبائی وزیر کا کہنا تھا کہ بارش کے پانی کی نکاسی کے لیے چوک پوائنٹس پر توجہ دی جائے،شہرکی مجموعی صورت حال بہت بہتر ہے۔

وزیر بلدیات سندھ کا کہنا تھا کہ نالوں کی صفائی کا عمل مسلسل جاری ہے، جہاں بارش کا پانی جمع ہے وہاں بلدیاتی عملہ نکاسی کے لیے موجود ہے۔

یاد رہے کہ گزشتہ روز کراچی میں کرنٹ لگنے اور دیگرحادثات میں 5 افراد جاں بحق ہوگئے تھے، کرنٹ لگنے کے واقعات گلشن حدید، لانڈھی اور گارڈن میں پیش آئے تھے۔

محکمہ موسمیات کے مطابق گزشتہ روز شہر میں سب سے زیادہ بارش گلستان جوہر، یونیورسٹی روڈ میں 78.5 ملی میٹر اور سرجانی میں 68.4 ملی میٹر ریکارڈ کی گئی تھی۔

Comments

یہ بھی پڑھیں