ڈرامہ ’عینک والا جن‘ میں زکوٹا کا کردار نبھانے والے مطلوب الرحمان انتقال کر گئے
The news is by your side.

Advertisement

ڈرامہ ’عینک والا جن‘ میں زکوٹا کا کردار نبھانے والے مطلوب الرحمان انتقال کر گئے

لاہور: پاکستانی ڈرامہ انڈسٹری کا مقبول ڈرامہ سیریل ’عینک والا جن‘ میں زکوٹا جن کا جاندار کردار ادا کرنے والے مطلوب الرحمان عرف منا لاہوری طویل علالت کے بعد خالق حقیقی سے جاملے۔

تفصیلات کےمطابق نوے کی دہائی میں سرکاری ٹی وی پر بچوں کے ڈرامہ سیریل ’عینک والا جن‘ نے خوب مقبولیت حاصل کی، ڈرامے میں موجود کرداروں نے مداحوں کے دل میں ایسی جگہ بنائی کہ بچے تو بچے بڑے بھی ان کرداروں کو نہ بھول پائے۔

عینک والا جن کے معروف کردار زکوٹا، شدید مالی مشکلات کا شکار

اسی ڈرامے سے شہرت کی بلندی کو چھونے والا اداکار مطلوب الرحمان جن کا بچوں میں مشہور ہونے والا ڈائیلاگ ’’مجھے کام بتاؤ میں کیا کروں میں کس کو کھاؤں‘‘ تھا، وہ برسوں سے فالج کے عارضے میں مبتلا تھے۔

انہیں فالج کے علاوہ ذیابیطس کا مرض میں بھی لاحق تھا لیکن مالی مشکلات کے باعث مناسب علاج کرانے سے قاصر تھے اور اسی وجہ سے خراب حالت میں بھی تھیٹر ڈراموں پر کام کرنے مجبور تھے۔

خیال رہے کہ مطلوب الرحمان نے موت سے قبل اعلیٰ حکام سے مطالبہ کرتے ہوئے کہا تھا کہ پنجاب حکومت نے علاج کیلئےمیری مدد کی تھی لیکن اس بات کو کافی عرصہ گزر چکا ہے، اب مجھے مزید مالی مدد کی ضرورت ہے، میری صحت روز بروز خراب ہوتی جارہی ہے اورمیرے پاس علاج کیلئے پیسے نہیں ہیں۔

کیا آپ کو ’عینک والا جن‘ کے عمران اور معطر یاد ہیں؟

یاد رہے کہ گذشتہ سال اسی ڈرامہ میں بل بتوڑی کا مرکزی کردار نبھانے والی اداکارہ ’نصرت آرا بیگم‘ بھی کسمپرسی کی زندگی گزارنے کے بعد انتقال کر گئی تھیں، انہیں بھی مالی مشکلات کا سامنا تھا اور آخری وقت تک حکومت سے امداد کی اپیل کرتی رہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں