The news is by your side.

Advertisement

میرا دل میرا دشمن، ’’ماضی کا سچ سامنے آنے پر ہکا بکاہ رہ گئیں‘‘

کراچی: پاکستانی ڈرامہ انڈسٹری کی معروف اداکارہ علیزے شاہ ماضی کا سچ سامنے آنے پر ہکا بکاہ رہ گئیں۔

اے آر وائی ڈیجیٹل پر نشر کیے جانے والے ڈرامے ’میرا دل میرا دشمن‘ اختتام کی جانب گامزن ہے، اداکارہ علیزے شاہ، یاسر نواز، نعمان سمیع کی جاندار اداکاری نے ڈرامے میں چار چاند لگادئیے ہیں اور مداحوں کی جانب سے اسے بھرپور پذیرائی مل رہی ہے۔

آج رات نشر کی جانے والی قسط میں یہ دکھایا جائے گا کہ نعمان سمیع (شاہ میر) کی بہن جس نے گھر سے بھاگ کر شادی کی تھی وہ پریشان ہے اور اس کے والد اپنی بیٹی کو جان سے مارنے پر تلے ہوئے ہیں جبکہ ان کا شوہر فراڈ کے کیس میں قید کی سزا بھگت رہا ہے۔

ادھر مائرہ (علیزے شاہ) کی بھابھی شاہینہ ان کے گھر پہنچ جاتی ہے اور مائرہ کو دھمکاتی ہے کہ اگر وہ اسے پیسے نہیں دے گی تو وہ شاہ میر اور اس کی محبت کی داستان گھر میں سب کو بتادے گی۔

شاہینہ ابھی یہ بات کررہی ہوتی ہے کہ شاہ مایر کی والدہ جو مائرہ کے پیچھے لگی رہتی ہیں وہ سب کچھ سن لیتی ہیں اور مائرہ اور شاہ میر کی محبت کا بھانڈا پھوٹ جاتا ہے۔

ڈرامے کی آخری قسط میں کیا مائرہ اور شاہ میر ایک ہوجائیں گے، کیا شاہ میر عائشہ کو چھوڑ دے گا اور عائشہ اپنے شوہر اور مائرہ کے تعلقات کے بارے میں جان کر اس کے ساتھ کیسا رویہ اختیار کرے گی، کیا عائشہ کے والد مائرہ کو گولی ماردیں گے یہ سب کچھ جاننے کے لیے دیکھتے رہی ’میرا دل میرا دشمن‘ ہر جمعرات کی رات 8 بجے دیکھنا نہ بھولیں۔

Comments

یہ بھی پڑھیں