اسلام آباد : ڈرگ ریگولیٹری اتھارٹی آف پاکستان (ڈریپ) نے الرجی کے علاج کی دوا کا ایک بیچ کو غیر معیاری قرار دیتے ہوئے الرٹ جاری کردیا ، الرٹ کا اجرا شہری، ڈاکٹرز، کیمسٹ کیلئے کیا گیا ہے۔
تفصیلات کے مطابق الرجی کی ملاوٹ شدہ اور مس برانڈڈ دوا کے مارکیٹ میں فروخت پونے کا انکشاف سامنے آیا ، ڈرگ ریگولیٹری اتھارٹی آف پاکستان (ڈریپ) نے الرجی کے علاج کی دوا کا ایک بیچ کو غیر معیاری قرار دے دیا۔
ڈریپ سے پلائیول 25 ایم جی انجکشن کا پراڈکٹ ری کال الرٹ جاری کردیا ہے ، پلائیول انجکشن ری کال الرٹ کا اجرا شہری، ڈاکٹرز، کیمسٹ کیلئے کیا گیا ہے۔
ڈریپ الرٹ میں کہا گیا ہے کہ پلائیول انجکشن کے بیچ 847 کو غیر معیاری قرار دیا ہے ، ملاوٹ شدہ پلائیول انجکشن میں غیر متعلقہ زرات پائے گئے ہیں،پلائیول انجکشن پلائیوا فارما لسبیلہ بلوچستان کی تیارکردہ ہے۔
الرٹ میں کہنا ہے کہ پلائیول کے سیمپل کا ڈرگ ٹیسٹنگ لیبارٹری کوئٹہ میں معائنہ کیا گیا، لیب نے پلائیول کے بیچ کو ملاوٹ شدہ، مس برانڈڈ قرار دیا پے، فارما کمپنی پلائیول انجکشن کا متاثرہ بیچ مارکیٹ سپلائی نہ کرے۔
ڈریپ نے کمپنی کو پلائیول انجکشن کا متاثرہ بیچ مارکیٹ سے اٹھانے کی ہدایت کردی ہے۔
