اسلام آباد : فارما انڈسٹری کو ڈالر کے چنگل سے نکالنے کا فارمولہ تیار کر لیا گیا اور ڈالر کے بجائے چینی اور ترکش کرنسی میں درآمدات کی سفارش کردی گئی۔
تفصیلات کے مطابق ڈرگ ریگولیٹری اتھارٹی پاکستان (ڈریپ ) نے فارما انڈسٹری کو درپیش مشکلات کا مستقل حل نکال لیا۔
ذرائع نے بتایا ہے کہ فارما انڈسٹری کو ڈالر کے چنگل سے نکالنے کا فارمولہ تیار کر لیا گیا، ڈریپ نے ڈالر کے بجائےچینی،ترکش کرنسی میں درآمدات کی سفارش کردی ہے۔
ذرائع کا کہنا تھا کہ ڈریپ اتھارٹی نے یوآن، لیرامیں ایل سیز کھولنے کی سفارش کر دی، وزارت صحت ڈریپ سفارشات جلدوزارت تجارت کو ارسال کرے گی۔
ذرائع نے کہا ہے کہ یوآن، لیرا میں ایل سیز کھولنے کا حتمی فیصلہ وزارت تجارت کرے گی،یوآن، لیرا میں ایل سیز کی اوپننگ انڈسٹری کی مشکلات کا مستقل حل ہے۔
پاکستانی فارما انڈسٹری کا بیشتر کاروبار چین، ترکی،تائیوان سے ہے اور ادویہ سازانڈسٹری بیشتر خام مال چین اور تائیوان جبکہ میڈیکل ڈیوائسزیورپ سے براستہ ترکی درآمدکرتی ہیں۔
ذرائع کے مطابق فارما انڈسٹری کے سینکڑوں کنٹینرز تاحال بندرگاہ پر بند پڑے ہیں، کنٹینرز میں درآمد شدہ ادویات کا خام مال، میڈیکل ڈیوائسز موجود ہے۔
خیال رہے خام مال کی عدم دستیابی پر فارما انڈسٹری ہڑتال کی دھمکی دے چکی ہے اور ڈالر مہنگا ہونے پر قیمتیں بڑھانے کا مطالبہ کر رہی ہے۔
