The news is by your side.

امریکی ٹریول بلاگر اور یو ٹیوب اسٹار ڈریو برنسکی پاکستان کے فین بن گئے

کراچی: امریکی ٹریول بلاگر اور یوٹیوب اسٹار ڈریو برنسکی پاکستان کے گرویدہ ہوگئے، بار بار پاکستان آنے کی خواہش ظاہر کر دی.

تفصیلات کے مطابق اپنے ٹریول بلاگز کے لیے مشہور ڈریو برنسکی کو پاکستانیوں کی ملن ساری اور مہمان نوازی نے گرویدہ بنا لیا. اے آر وائی نیوز کے مارننگ شو  باخبر سویرا سے گفتگو کرتے ہوئے انھوں نے پاکستان کو اپنا پسندیدہ ملک قرار دے دیا۔

ڈریو برنسکی نے کہا کہ پاکستانی بہت ملنسار ہیں، اپنی مثال آپ ہیں، بار بار پاکستان آنا چاہوں گا.

انھوں نے اے آر وائی نیوز کے مارننگ شو باخبر سویرا میں گفتگو کرتے ہوئے کہا کہ یہ پاکستان میں میرا آخری دن ہے، گذشتہ دو ہفتے میں ہم نے کراچی سے لاہور اور پشاور تک کا سفر کیا. اب پاکستان میں میری تین پسندیدہ ترین ممالک کی فہرست میں شامل ہے، سب سے اہم چیز اس ملک کے باسیوں کی مہمان نوازی اور ملن ساری ہے.

انھوں نے کہا کہ مجھے میزبانوں نے پیسے خرچ نہیں کرنے دیے، کھانے بہت شان دار تھے، دوبارہ یہاں آنے کے لیے پرتجسس ہوں.

پروگرام میزبانوں کے مطابق ڈیور دو سو ڈالر لے کر پاکستان پہنچے، مگر ان کا ایک روپیہ بھی خرچ نہیں ہوا  اور وہ تمام پیسے بچا کر واپس لے گئے، کیوں‌ کہ یہاں کے لوگوں‌ نے میزبانی کا خوب حق ادا کیا.

Comments

یہ بھی پڑھیں