The news is by your side.

Advertisement

وہ معمولی عادت جو آپ کی نیند کو خراب کردے

رات سونے سے قبل یا نیند کے دوران اٹھ کر پانی پینا ایک صحت مندانہ عمل ہے، لیکن یہ عمل آپ کی نیند کو متاثر بھی کرسکتا ہے۔

بین الاقوامی ماہرین کا کہنا ہے کہ سونے سے قبل زیادہ پانی پینا اچھا عمل نہیں ہے کیونکہ اس طرح یہ نیند کے معیار کو متاثر کرتا ہے۔

تاہم پانی کی کمی بھی نیند کو متاثر کرسکتی ہے، ماہرین کا کہنا ہے کہ نیند کی کمی جسم میں پانی کی کمی کی جانب اشارہ کرتی ہے اور ایک مطالعہ سے بات ثابت ہوئی کہ بعض افراد میں نیند کا دورانیہ اس لیے کم تھا کیونکہ ان میں پانی کی کمی تھی۔

ماہرین کا یہ بھی کہنا ہے کہ جس طرح پانی کی کمی نیند کے دورانیے کو متاثر کرتی ہے، اسی طرح رات میں سونے سے قبل زیادہ پانی پینا رفع حاجت کی بنا پر نیند میں خلل کا سبب بنتا ہے۔

ماہرین دن کے اوقات میں زیادہ پانی کا مشورہ دیتے ہیں تاکہ جسم کو مناسب مقدار میں پانی میسر آسکے۔

لیکن یہ بات ہر فرد کے لیے ممکنہ طور پر وثوق سے نہیں کہی جاسکتی کیونکہ ہر فرد کے کھانے پینے اور سونے جاگنے کے انداز اور اوقات کار مختلف ہوتے ہیں۔

Comments

یہ بھی پڑھیں