یو اے ای: ایشیائی شخص کو کار تلے روندے والے اماراتی شہری کو سزا killing pedestrian in UAE
The news is by your side.

Advertisement

یواے ای: ایشیائی شخص کو کار تلے روندنے والے اماراتی شہری کو سزا

ابو ظہبی : متحدہ عرب امارات کی سپریم کورٹ نے ایشیائی شخص کو کار تلے روندںے والے عرب شہری کو تین ماہ قید اور مقتول کے خاندان کو 1 لاکھ درہم خون بہا ادا کرنے کی سزا سنا دی۔

تفصیلات کے مطابق متحدہ عرب امارات کی عدالت عالیہ نے ٹریفک حادثے میں ہلاک ایشیائی شخص کے کیس کی سماعت کرتے ہوئے ملزم کو حادثے کے دوران ہلاک ہونے والے شخص کے اہل خانہ کو خون بہا دینے کا حکم سنایا ہے۔

غیر ملکی خبر رساں ادارے کا کہنا تھا کہ سپریم کورٹ نے کیس سماعت کے دوران اماراتی عرب کے مجرم ثابت ہونے کے بعد مجرم کو سزا سناتے ہوئے تین ماہ کے لیے جیل بھیجنے اور مقتول کے خاندان کو 1 لاکھ درہم جرمانہ ادا کرنے کا حکم دیا۔

عدالتی دستاویزات کے مطابق عرب شخص گاڑی کو مقرر کردہ رفتار سے زیادہ تیز چلارہا تھا جس کے باعث گاڑی قابو سے باہر ہوگئی اور سڑک کراس کرنے والے ایشیائی شخص کو روند ڈالا، گاڑی کی زد میں آنے والا شخص موقع پر ہی ہلاک ہوگیا تھا۔

غیر ملکی خبر رساں ادارے کا کہنا تھا کہ مذکورہ حادثہ گذشتہ برس پیش آیا تھا اپنے گھر واپس جانے والا ایشیائی ملازم تیز رفتار کار کی زد میں آکرہلاک ہوگیا تھا۔

مقتول کی پورسٹ مارٹم رپورٹ میں بتایا گیا تھا کہ حادثے کے باعث مقتول کو کافی زخم آئے تھے اور جسم کی متعدد ہڈیاں بھی ٹوٹ گئی تھیں، یہی زخم اس کے لیے جان لیوا ثابت ہوئے۔

Comments

comments

یہ بھی پڑھیں