The news is by your side.

Advertisement

عجمان، دوران ڈرائیونگ موبائل فون کا استعمال، کار حادثے میں ایک شخص جاں بحق

عجمان: متحدہ عرب امارات کی ریاست عجمان میں ٹریفک حادثے کے نتیجے میں ایک شخص جاں بحق اور 3 افراد زخمی ہوگئے۔

عرب میڈیا کے مطابق عجمان میں ڈرائیونگ کے دوران موبائل فون کے استعمال کے سبب کار خوفناک حادثے کا شکار ہوگئی جس کے نتیجے میں مصر سے تعلق رکھنے والا شخص جاں بحق ہوگیا جبکہ اس کی 35 سالہ بیوی اور دو بچے زخمی ہوگئے۔

ٹریفک حادثہ الزورا کے علاقے میں الاتحاد کے روڈ کے قریب پیش آیا جب گاڑی اچانک 49 سالہ مصری ڈرائیور کے قابو سے باہر ہوکر بیریئر سے جاٹکرائی۔

پولیس کے مطابق ڈرائیور نے سیٹ بیلٹ نہیں باندھی ہوئی تھی جو اس کی موت کی وجہ بنی جبکہ اس کی 35 سالہ بیوی اور 3 اور 4 سالہ بچوں کو طبی امداد کے لیے اسپتال منتقل کردیا گیا۔

عجمان پولیس کے مطابق حادثے میں زخمی ہونے والی خاتون اور ان کے بچوں کو معمولی چوٹیں آئی ہیں۔

لیفٹیننٹ کرنل سیف عبداللہ الشمسی نے شہریوں سے اپیل کی ہے کہ وہ ڈرائیونگ کے دوران تمام تر توجہ سڑک پر مرکوز رکھا کریں، خصوصاً دوران ڈرائیونگ موبائل فون کا استعمال کسی خوفناک حادثے کا سبب بن سکتا ہے، ڈرائیونگ کرتے وقت سیٹ بیلٹ ضرور باندھیں۔

Comments

comments

یہ بھی پڑھیں