اسلام آباد: پی ٹی آئی رہنما شہباز گل کی گاڑی کے ڈرائیور کا کہنا ہے کہ گرفتاری کے وقت شہباز گل پر تشدد کیا گیا۔
اے آر وائی نیوز کے مطابق پی ٹی آئی رہنما شہباز گل کو بنی گالہ جاتے ہوئے پولیس نے گرفتار کر لیا، گاڑی چلانے والے ڈرائیور کا کہنا ہے کہ گرفتاری کے وقت کلاشنکوف سے گاڑی کے شیشے توڑے گئے۔
ڈرائیور نے بتایا کہ شہباز گل پر تشدد کیا گیا، مجھے بھی مارا پیٹا گیا مگر میں نے گاڑی بھگا لی۔
نشریات کی بندش: اے آر وائی کی لائیو ٹرانسمیشن یہاں دیکھیں
ڈرائیور کے بیان کے مطابق شہباز گل کی گرفتاری عمران خان چوک پر ہوئی، شہبازگل کو ہتھکڑیاں پہنائی گئیں اور گھسیٹا گیا۔
ڈرائیور نے کہا: "گاڑی کے شیشے ایسے توڑے گئے جیسے کوئی دہشت گرد ہو، شہباز گل کے ساتھ ساتھ مجھ پر بھی تشدد کیا گیا۔
شہبازگل کو بنی گالہ جاتے ہوئے پولیس نے گرفتار کرلیا
واضح رہے کہ آج اسلام آباد پولیس نے شہباز گل کو گرفتار کر لیا ہے، اور ان کے خلاف تھانہ بنی گالہ میں مقدمہ بھی درج کر لیا گیا، پی ٹی آئی رہنما کو اداروں کے خلاف بیان بازی کے مقدمے میں گرفتار کیا گیا ہے۔
