لاہور: صوبہ پنجاب کے دارالحکومت لاہور اور گردو نواح میں بوندا باندی اور ٹھنڈی ہوائیں چلنے سے موسم خوشگوار ہوگیا۔
تفصیلات کے مطابق لاہور اور گردو نواح میں صبح سویرے بوندا باندی کے باعث موسم خوشگوار ہوگیا، شہر میں ٹھنڈی ہواؤں کا راج ہے۔
لوگوں کی بڑی تعداد سہانے موسم سے لطف اندوز ہونے کے لیے گھروں سے باہر نکل آئی۔
محکمہ موسمیات کے مطابق لاہور میں آج زیادہ سے زیادہ درجہ حرات 39 ڈگری سینٹی گریڈ اور کم از کم 22 سینٹی ڈگری رہے گا۔
سکھییکی، پنڈی بھٹیاں، جھنگ، بھکر قصورسمیت پنجاب کے مختلف شہروں میں بارش سے گرمی کے ستائے شہریوں کے چہرے کھل اٹھے۔
محکمہ موسمیات کا کہنا ہے کہ بالائی پنجاب، خیبرپختونخواہ، کشمیر اور گلگت میں آئندہ 24 گھنٹوں کے دوران مزید بارش کا امکان ہے۔
پنجاب میں بارش اورآندھی کے باعث مختلف حادثات میں لڑکی جاں بحق
خیال رہے کہ گزشتہ ماہ صوبہ پنجاب کے دارالحکومت لاہور سمیت مختلف شہروں میں موسلادھار بارش اور تیز آندھی کے باعث مختلف حادثات میں لڑکی جاں بحق اور 12 افراد زخمی ہوگئے تھے۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک’پہنچانے کے لیے سوشل میڈیا پر شیئر کریں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں