The news is by your side.

Advertisement

پلوامہ کے بعد مودی سرکار کا ڈرون ڈرامہ بھی فلاپ

نئی دہلی : پلوامہ کے بعد مودی کے ایک اور جھوٹ پر سوال اٹھنے لگے اور مقبوضہ جموں میں ڈرون حملہ مودی سرکار کیلئے مذاق بن گیا جبکہ بھارتی میڈٰیابھی مودی سرکار کا جھوٹ ثابت کرنے میں ناکام ہیں۔

تفصیلات کے مطابق بھارت کی شرانگیزیاں برقرار ہے اور ہندوستانیوں کامُودی سے اعتماد اُٹھنے لگا ، کورونا کی صورتحال اورویکسین کی عدم فراہمی سے توجہ ہٹانے کیلئے مودی سرکار کا ڈرون ڈرامہ بھی فلاپ ہوگیا۔

پلوامہ کے بعد ڈرون حملے کا ڈھونگ کرنے پر سوالات اُٹھنے لگے ہیں جبکہ بھارتی میڈٰیا بھی مودی سرکارکاجھوٹ ثابت کرنے میں ناکام رہا۔

بھارتی صحافی نے کہا ہے کہ سینئر پولیس افسران نے تصدیق کی کہ جموں کی بھارتی ایئربیس پر ڈرون حملہ کیا گیا، لیکن وہ ڈرون پاکستان سے اڑا یا گیا یا پھر  مقامی آبادی سے، اس کا علم نہیں ڈرون کب آیا اور حملہ کرکے واپس بھی چلا گیا لیکن اسے تباہ نہیں کیا جاسکا ۔

شنگھائی تعاون کانفرنس سے پہلے اَجیت دول نے ڈرون حملے کا رَاگ الاپنا شروع کردیا جبکہ عین اُس وقت جب مُودی کی کشمیر پر آل پارٹیز کانفرنس ناکام اور  ہندوستان کو سوالات کا سامنا تھا کہ کیا یہ الیکشن کی تیاری ہے؟ کیا ہر الیکشن سے پہلے مُودی اوربی جے پی اپنے لوگوں اور فوجیوں کو نشانہ بناتے رہیں گے؟

پلوامہ میں بھی مُودی نے اپنے ہی لوگوں کومروایا اور اب چیف آف ڈیفنس اسٹاف بپن راوت اور بھارتی ایئر چیف کی چپقلش کا نتیجہ مقبوضہ جموں میں انڈین ایئرفورس پر ڈرون حملہ ہے۔

بپن راوت اور ہندوستانی ائیر چیف میں اختیارکی جنگ جاری ہے، انڈین سروسز چیفس جنرل بپن راوت کی بطور چیف آف ڈیفنس اسٹاف تقرری کو سیاسی تقرری مانتے ہیں جبکہ بپن راوت کی سروسز معاملات میں مداخلت پہلے بھی ناخوشگوار حالات پیدا کرچکی ہے۔

Comments

یہ بھی پڑھیں