لاہور چلڈرن اسپتال لاہور کے پارکنگ ایریا سے ڈاکٹر کی چار روز پرانی لاش ملی ہے ڈاکٹر احمد لطیف کی لاش ان کی گاڑی سے ملی۔
اے آر وائی نیوز کی رپورٹ کے مطابق ڈاکٹر احمد لطیف ہیماٹالوجی میں کام کرتے تھے، پارکنگ میں کھڑی گاڑی کو چار روز کسی نے چیک نہیں کیا۔
ڈاکٹر لاش کے پاس سے کچھ ڈرگز بھی ملیں، ان کی چار روز ڈیوٹی سے مسلسل غیرحاضری پر بھی کسی کو شک نہیں ہوا، واقعے کی تحقیقات کے لیے اسپتال انتظامیہ نے چار رکنی کمیٹی بنا دی۔
پروفیسر ڈاکٹر صائمہ فرحان کمیٹی کی سربراہ ہوں گی، ڈاکٹرعلی ابوذر، ڈاکٹرحافظ عاطف نذیر اور ڈاکٹرعائشہ خانم کمیٹی میں شامل، کمیٹی24 گھنٹے میں رپورٹ پیش کرے گی۔
حسن حفیظ ایک نوجوان صحافی ہیں اور اے آر وائی نیوز لاہور کے لئے صحت، تعلیم اور ایوی ایشن سے متعلق خبریں رپورٹ کرتے ہیں
