The news is by your side.

بیرون ملک جانے والے مسافر کے پیٹ سے ہیروئن سے بھرے کیپسول برآمد

اسلام آباد : اسلام آباد انٹرنیشنل ائیرپورٹ پر بیرون ملک جانے والے مسافر کے پیٹ سے ہیروئن سے بھرے کیپسول برآمد کرلئے گئے۔

تفصیلات کے مطابق اینٹی نارکوٹکس فورس نے اسلام آباد انٹرنیشنل ائیرپورٹ پر کارروائی کی اور بیرون ملک جانے والے مسافر کے پیٹ سے ہیروئن سے بھرے کیپسول برآمد کرلئے۔

ترجمان اے این ایف نے بتایا کہ حمزہ نامی مسافر پی آئی اے کی پرواز پی کے181کے ذریعے شارجہ جارہا تھا کہ دوران تلاشی ملزم کے پیٹ سے ہیروئن بھرے 97 کیپسول برآمد ہوئے۔

ترجمان کا کہنا تھا کہ برآمد شدہ کیپسولز کا مجموعی وزن 760 گرام ہے تاہم ملزم کیخلاف انسدادِ منشیات ایکٹ کے تحت مقدمہ درج کر لیا گیا ہے۔

یاد رہے اے این ایف نے عالمی ہوائی اڈے پر کارروائی کرتے ہوئے پاکستان سے قطری دارالحکومت دوحہ جانے والے خوشاب کے رہائشی کے پیٹ سے آئس بھرے کیپسول برآمد کیے تھے۔

مجموعی طور پر مسافر کے پیٹ سے 104کیپسولوں سے 800 گرام آئس برآمد کی گئی۔

Comments

یہ بھی پڑھیں