The news is by your side.

Advertisement

کورونا سے بچاؤ اور علاج،اینٹی بائیوٹک ازتھرومائسین کی پروڈکشن ترجیحی بنیاد پر بڑھانے کی منظوری

اسلام آباد: ڈرگ ریگولیٹری اتھارٹی نے کوروناوائرس سےبچاؤ اور علاج کیلئے اینٹی بائیوٹک ازتھرومائسین کی پروڈکشن ترجیحی بنیاد پر بڑھانے کی منظوری دے دی۔

تفصیلات کے مطابق کوروناوائرس سےبچاؤ اور علاج کیلئے ڈرگ ریگولیٹری اتھارٹی کااہم اقدام اٹھاتے ہوئے اینٹی بائیوٹک ازتھرومائسین کی پروڈکشن ترجیحی بنیادپربڑھانےکی منظوری دے دی۔

ڈرگ ریگولیٹری اتھارٹی کی جانب سے باضابطہ نوٹی فکیشن جاری کردیا گیا ہے ، ازتھرومائسین بنانے کے لیےترجیحی بنیادوں پر اجازت نامہ دیا جائےگا ، ازتھرومائسین بنانےکی اجازت لینےکیلئےدرخواستیں4 جون تک دی جاسکتی ہے۔

یاد رہے چند روز قبل ڈرگ ریگولیٹری اتھارٹی نے ڈریپ کا انسپکشن اخراجات دواساز کمپنیوں سے لینے کا فیصلہ کیا تھا ، ذرائع کا کہنا تھا کہ ڈرگ ریگولیٹری اتھارٹی نے نیا انسپکشن مکینزم تیار کرلیا ہے، ڈریپ پالیسی بورڈ نے انسپکشن میکنزم کی منظوری دے دی، دوا ساز کمپنیوں کا انسپکشن پینل 3 افراد پر مشتمل ہوگا۔

ذرائع کے مطابق ڈریپ پالیسی بورڈ کا رکن انسپکشن پینل میں شامل ہو سکے گا، انسپکشن پینل فارما کمپنیز سے مراعات وصولی کا مجاز ہوگا، انسپکشن پینل فارما کمپنیز سے یومیہ و سفری الاؤنس لے سکے گا۔

’فارماکمپنی انسپکشن پینل کے رکن کو گریڈ 20 افسر کے برابر مراعات دے گی، فارما کمپنی انسپکشن پینل اراکین کو اکانومی کلاس ایئر ٹکٹ فراہم کرے گی، فارما کمپنی ڈریپ کو انسپکشن پینل کے دورے سے قبل آگاہ کرے گی۔

Comments

یہ بھی پڑھیں