The news is by your side.

Advertisement

ڈرگ ریگولیٹری اتھارٹی کا ایزومیکس 500 سے متعلق الرٹ جاری

اسلام آباد : ڈرگ ریگولیٹری اتھارٹی نے ایزومیکس 500 گرام کا بیج ایل جے ٹو ایل ناقابل استعمال قرار دے دیا ، ایزومیکس ٹائیفائڈ اور انفیکشن میں استعمال کی جاتی ہے۔

تفصیلات کے مطابق ڈرگ ریگولیٹری اتھارٹی نے ایزومیکس 500 سےمتعلق میڈیکل الرٹ جاری کردیا ، جس میں ایزومیکس500گرام کا بیج ایل جے ٹو ایل ناقابل استعمال قرار دیا ہے۔

ڈرگ ریگولیٹری اتھارٹی کی جانب سے اعلامیے میں کہا ہے کہ اسپتال ، میڈیکل اسٹورز اور ڈسٹری بیوٹرزسے اسٹاک واپس لیا جائے، ایزومیکس ٹائیفائڈ، انفیکشن میں بھی استعمال کی جاتی ہے جبکہ کورونا مریضوں کو بھی ایزومیکس 500فراہم کی جاتی ہے۔

یاد رہے گذشتہ ماہ کے آخر میں ڈرگ ریگولیٹری اتھارٹی آف پاکستان (ڈریپ) نے ریمیڈسویئر انجکشن کی قیمت میں کمی کانوٹیفکیشن جاری کیا تھا ، ذرائع کا کہنا تھا کہ ریمڈسویئرانجکشن کی قیمت میں 1629 روپے کمی کی گئی ، جس کے بعد ریمیڈسویئر انجکشن کی قیمت10873 سے 9244 ہوگئی ہے۔

ڈریپ ذرائع کے مطابق ریمیڈسویئر مہنگے داموں بیچنے والوں کیخلاف کارروائی ہو گی۔

اس سے قبل ڈرگ ریگولیٹری اتھارٹی نے جان بچانے والی 94 ادویات کی قیمتوں میں اضافے کا نوٹیفکیشن جاری کیا تھا ، جاری نوٹیفکیشن کے مطابق جن ادویات کی قیمتوں میں اضافہ کیا ہے، ان میں ہائی بلڈ پریشر، کینسر، امراض قلب کی ادویات و اینٹی ریبیز ویکسین شامل تھیں۔

نوٹیفکیشن میں کہا گیا تھا کہ اضافہ شدہ ایم آر پی کے حصول کیلئے دو شرائط ہوں گے۔ان ادویات کی اضافہ شدہ قیمت 30 جون 2021 تک منجمد رہیں گے، ڈرگ لیبلنگ و پیکنگ رولز1986 کے تحت پیکٹ کے لیبل پر ایم آر پی پرنٹ کرے گی۔

Comments

یہ بھی پڑھیں