پشاور : پشاور ائیرپورٹ پر منشیات اسمگلنگ کی کوشش ناکام بناتے ہوئے دوحہ جانےوالے مسافر سے 8 کروڑ روپے مالیت کی منشیات برآمد کرلی گئی۔
تفصیلات کے مطابق ایئرپورٹس سیکیورٹی فورس نے پشاور ائیر پورٹ پر کارروائی کرتے ہوئے منشیات اسمگلنگ کی کوشش ناکام بنادی۔
اے ایس ایف نے مسافر کو گرفتار کر کے بڑی مقدار میں منشیات برآمد کرلی ہے۔
ترجمان اے ایس ایف نے بتایا کہ ترجمان اے ایس ایف دوحہ جانے والے مسافر قیصر علی نے آئس ہیروئن ٹرالی بیگ میں مہارت سے چھپا رکھی تھی تاہم اے ایس ایف کے عملے نے سامان کی تلاشی کے دوران 7.14 کلو گرام آئس ہیروئن برآمد کر لی۔
ملزم کو ابتدائی تفتیش کے بعد برآمد شدہ منشیات سمیت مزید قانونی کارروائی کے لئے اے این ایف حکام کے حوالے کر دیا گیا ہے۔
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں