The news is by your side.

Advertisement

کسٹمز کارروائیاں، کروڑوں روپے مالیت کی منشیات اور ایل ای ڈیز بر آمد

کراچی: محکمہ کسٹمز نے کراچی جناح انٹرنیشنل ایئر پورٹ اور فیصل آباد میں اسمگلنگ کے خلاف کاروائیوں میں کروڑوں روپے مالیت کی منشیات اور ایل ای ڈیز بر آمد کر لیں۔

تفصیلات کے مطابق کسٹمز کلکٹریٹ جناح انٹرنیشنل ایئرپورٹ کی کارروائی میں بیرون ملک ہیروئن اسمگل کرنے کی کوشش ناکام بنا دی گئی۔

اے آر وائی نیوز کے نمایندے کے مطابق ڈپٹی کلکٹر کسٹم توصیف امان نے خفیہ اطلاع پر کراچی سے براستہ دوحہ بنکاک جانے والے ارسلان انور نامی پاکستانی مسافر کے سامان سے آدھا کلو ہیروئن بر آمد کر کے گرفتار کر لیا۔

کلکٹر کسٹم کے مطابق ہیروئن کو ملزم نے انتہائی مہارت سے اپنے شولڈر بیگ کے ہینڈلز میں چھپایا ہوا تھا، ہیروئن کی مالیت 55 لاکھ روپے ہے۔

دوسری کارروائی میں کسٹم پریوینٹو نے فیصل آباد میں اسمگلنگ کے خلاف بڑا ایکشن لیا، جس میں کروڑوں روپے مالیت کی اسمگل شدہ ایل ای ڈیز برآمد کی گئیں، کلکٹر کسٹم محمد سلیم کے مطابق چھاپا فیصل آباد کے علاقے جھنگ بازار گودام پر مارا گیا جہاں اسمگل شدہ ایل ای ڈیز چھپائی گئی تھیں، کروڑوں روپے مالیت کی اسمگل شدہ ایل ای ڈیز مختلف سائز اور برانڈز کی تھیں۔

محکمہ ایکسائز نے بھی کراچی ایم اے جناح روڈ پر مشکوک شخص کی تلاشی کے دوران چار کلو گرام چرس برآمد کر کے گرفتار کیا گیا۔

Comments

comments

یہ بھی پڑھیں