کراچی: شہر قائد کے تعلیمی اداروں میں منشیات فراہم کرنے والا ملزم فیملی پارک سے گرفتار ہو گیا۔
تفصیلات کے مطابق کراچی میں ایکسائز اینڈ نارکوٹکس کنٹرول ڈسٹرکٹ کورنگی نے ایک کارروائی میں تعلیمی اداروں میں منشیات فراہم کرنے کا ملزم کورنگی نمبر پانچ سے گرفتار کر لیا۔
ایکسائز اینڈ نارکوٹکس کنٹرول کے ترجمان کے مطابق کورنگی پانچ نمبر کے فیملی پارک سے حراست میں لیے گئے منشیات فروش عزیز الرحمان کے قبضے سے ایک کلو 120 گرام آئس برآمد ہوئی، جس کا مقدمہ درج کر لیا گیا ہے۔
ترجمان ایکسائز کا کہنا تھا کہ ملزم شہر کے مختلف تعلیمی اداروں میں منشیات سپلائی کرتا تھا، ملزم کے انکشاف پر مزید ساتھیوں کی تلاش جاری ہے۔
Comments
- Advertisement -
