پولیس نے’بیگم نوازش علی‘ کوشراب نوشی کے الزام میں حراست میں لے لیا -
The news is by your side.

Advertisement

پولیس نے’بیگم نوازش علی‘ کوشراب نوشی کے الزام میں حراست میں لے لیا

کراچی: سندھ پولیس نے کراچی کے علاقے کلفٹن میں چھاپہ مار کر اداکار علی سلیم المعروف بیگم نوازش علی اور ایک شخص کو مبینہ طور پر شراب نوشی کے جرم میں حراست میں لے لیا ہے۔

تفصیلات کے مطابق پولیس نے کلفٹن میں واقع ایک گیسٹ ہاؤس پر مشکوک افرد کی موجودگی کی اطلاع پر چھاپہ مار کارروائی کی تو علی سلیم مبینہ طور پر اپنے ساتھی سمیت نشے کی حالت میں برآمد ہوئے، پولیس نے جائے وقوعہ پر موجود شراب کی بوتلیں بھی قبضے میں لے لی ہیں۔

پولیس کا کہنا ہے کہ ایک مغوی بچے اور اغواکاروں کی موجودگی کی اطلاع پر مذکورہ گیسٹ ہاؤس پر چھاپہ مارا گیا تھا، چھاپے کے دوران مغوی بچہ اور اغواکار تو نہیں ملے لیکن وہاں موجود افراد کو قابلِ اعتراض حالت میں ہونے کے سبب حراست میں لے لیاگیا، دونوں ملزمان کے خلاف ممنوعہ نشہ آور اشیا رکھنے کا مقدمہ درج کرلیا گیا ہے۔

ایس ایس پی کراچی ساؤتھ عمر شاہد کا ا س واقعے پر کہنا ہے کہ گیسٹ ہاؤس میں موجود افراد مشکوک حرکات میں ملوث تھے ، اسی سبب انہیں حراست میں لیا گیا ہے۔

یاد رہے کہ اس سے قبل سنہ 2011 میں علی سلیم اپنی والدہ پر مبینہ تشدد کے سبب خبروں کی زینت بن چکے ہیں ، کہا گیا تھا کہ کسی گھریلو تنازعے پر علی سلیم نے اپنی والدہ فرزانہ سلیم پر تشدد کیا جس کے سبب ان کی ناک کی ہڈی ٹوٹ گئی تھی اور انہیں ایمرجنسی میں پولی کلینک اسپتال میں داخل کیا گیا تھا۔

Comments

comments

یہ بھی پڑھیں