site
stats
حیرت انگیز

بھارت میں گڑھے میں گرے شرابی پر سڑک تعمیر کردی گئی

نئی دہلی: بھارت میں ایک عجیب واغریب واقعہ پیش آیا جہاں ایک شرابی گڑھے میں گرگیا اور تعمیراتی کمپنی نے اس کے اوپر سڑک تعمیر کردی جس کے سبب شرابی کی موت ہوگئی۔

بھارتی ریاست مدھیہ پردیش کے ظلع کٹنی کے پولیس ذرائع کے مطابق گڑھے میں گرکرجاں بحق ہونے والے شخص کی عمر 45 سال تھی اور وہ اپنے گھر لوٹ رہا تھا کہ گڑھے میں گرگیا۔

مزدوروں نے دیکھے بغیرگڑھے میں پگھلا ہوا تارکول ڈال دیا اور ہیوی روڈ رولر چلادیا۔ بعد ازاں مقامی افرانے شرابی کی قمیض کا ایک حصہ باہر نکلے دیکھا تو تازہ بنی ہوئی سڑک اکھاڑ کر مذکورہ شخص کی لاش باپر نکالی۔

پولیس انسپکٹراین پی چوہدری نے غیر ملکی خبررساں ادارے کو بتایا کہ مذکورہ شخص کی لاش پوسٹ مارٹم کے لئے بھیج دی گئی ہے اور مزید تحقیقات جاری ہیں۔

ہلاک ہونے والا شخص ایک مقامی میلہ دیکھنے گیا تھا جہاں سے واپس پر یہ افسوسناک واقعہ پیش آیا، ایک مزدور اورڈرائیور کو تفتیش کے لئے گرفتار کرلیا گیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top