The news is by your side.

Advertisement

زیادتی کے الزم میں ملوّث ڈی ایس پی کا ’’اینٹی کرپشن پارٹی‘‘ بنانے کا اعلان

لاہور: ڈی ایس پی عمران بابر نے پولیس کے محکمے سےمستعفیٰ ہو کر سیاسی جماعت بنانے کا اعلان کردیا،اُن کی جماعت کا نام’’اینٹی کرپشن پارٹی‘‘ہوگا۔

آئی جی آفس کے باہر موجود صحافیوں سے بات کرتے ہوئے کمسن لڑکی سے زیادتی کے الزام میں مبینہ طور پر ملوّث ڈی ایس پی عمران بابر نے بتایا کہ وہ اپنااستعفی لیکر آئی جی پنجاب کے آفس پہنچے تو سیکیورٹی پر مامور پولیس اہلکاروں نے انہیں اندر داخل ہونے سے روک دیاگیا،جس کے بعد انہوں نے استعفیٰ آئی جی آفس کی حفاظت پر مامور پولیس اہلکاروں کو دے دیا۔

انہوں نے واضح کیا وہ اپنا استعفیٰ اپنے معصوم بچے کے ہمراہ دینے اس لیے آئے تھے کیونکہ خدشہ تھا کہ افسران انہیں گرفتار نہ کرلیں،آئی جی آفس میں بیٹھے افسران ان کی حق گوئی سے خوف زدہ ہیں۔

اس موقع پر ڈی ایس پی عمران بابر نے پنجاب پولیس سے استعفیٰ ہونے کا اعلان کرتے ہوئے کہا کہ میں پنجاب پولیس سےتعلق ختم کرکے عوامی خدمت کرنا چاہتا ہوں،جس کے لیے وہ اپنی نئی جماعت بنانے جا رہے ہیں جس کا نام ’’اینٹی کرپشن پارٹی‘‘ ہوگا۔

انہوں نے اپنے اوپر زیادتی کے الزام پر انہیں نے جواب دیا کیا کہ پہلے بھی اُن پر بنائے گئے تمام مقدمات جھوٹے ثابت ہوئے ہیں،یہ مقدمہ بھی جھوٹا ہے،جس کی حقیقت جلد سامنے آجائے گی،مستعفی ڈی ایس پی عمران بابر نے کہا کہ میرا فیصلہ اللہ کی عدالت میں ہوگا۔

Comments

comments

یہ بھی پڑھیں