site
stats
بلوچستان

کوئٹہ میں فائرنگ‘ ڈی ایس پی شہید

کوئٹہ: صوبہ بلوچستان کے دارالحکومت کوئٹہ میں فائرنگ کے ایک واقعے میں ڈی ایس پی عمرالرحمان شہید جبکہ ان کےبھتیجے زخمی ہوگئے۔

تفصیلات کےمطابق کوئٹہ پولیس کے ڈی ایس پی عمر الرحمان اوران کے بھتیجے بلال نماز کی ادائیگی کے لیے جامع مسجد ہدہ گئے تھے۔نامعلوم موٹر سائیکل سواروں نے مسجد کے قریب ان پر حملہ کیا۔ اس حملے میں دونوں شدید زخمی ہوگئے۔

دونوں کوعلاج کے لیےاسپتال منتقل کیا گیا جہاں ڈی ایس پی عمر رحمان زخموں کی تاب نہ لاکر چل بسے۔

وزیراعلیٰ بلوچستان نواب ثناء اللہ زہری نے اس واقعے پر افسوس کا اظہار کرتے ہوئے دہشت گردی کے اس واقعے کی مذمت کی ہے۔


پشاور: نامعلوم افراد کی فائرنگ، امن لشکرکے4 افراد جاں بحق


نواب ثناء اللہ زہری نے پولیس حکام سے واقعے کی رپورٹ طلب کرتے ہوئے قانون نافذ کرنے والے حکام کو واقعہ میں ملوث افراد کی فوری گرفتاری کی ہدایت کی ہے۔

یاد رہےکہ اس سے قبل ڈی ایس پی عمر رحمان کے بھائی ڈی ایس پی شمس بھی پولیس لائن میں ہونے والے خود کش حملے میں شہید ہوئے تھے۔

واضح رہےکہ گذشتہ سال بھی بم دھماکوں اور ٹارگٹ کلنگ کے دیگر واقعات میں کوئٹہ سمیت بلوچستان کے دیگر علاقوں ڈیڑھ سو سے زائد پولیس اور دیگر سیکورٹی اداروں کے اہلکار شہید ہوئے تھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top