کراچی: پاکستان تحریک انصاف کی رکن سندھ اسمبلی نے پیپلز پارٹی کی رہنما کلثوم چانڈیو کو دھمکی دیتے ہوئے کہا ہے کہ اسمبلی میں انہیں جوتے نہ مارے تو اپنی ماں کی اولاد نہیں۔
سندھ اسمبلی کے باہر میڈیا سے گفتگو میں دعا بھٹو نے کہا کہ کلثوم چانڈیو کو احکامات ملے تھے کہ میرا موبائل چھینا ہے، سندھ کو ویسے ہی کھا گئے ہو، مجھ سے مانگ لیتے میں ویسے ہی موبائل دے دیتی، کلثوم نے موبائل چھین کر منور وسان کے حوالے کیا۔
مزید پڑھیں: منور وسان دعا بھٹو کا موبائل چھین کر بھاگ گئے
دعا بھٹو نے کہا کہ اسمبلی کے مرد ارکان نے مجھے میرا ہاتھ پکڑ کر روکا، ہم پُرامن احتجاج کر رہے تھے، وزیر اعلیٰ مراد علی شاہ نے خود ہدایت دی کہ موبائل چھینو۔
ان کا کہنا تھا کہ ”کلثوم چانڈیو تم اب اسمبلی میں بیٹھ کر دکھاؤ، جوتے نہ مارے تو اپنی ماں کی اولاد نہیں، چوڑیل نے مجھے مارنے کی کوشش کی۔“
پی ٹی آئی رہنما نے کہا کہ ڈپٹی اسپیکر اسمبلی کے پاس گئے تو انہوں نے کہا کہ وہ معاملے کو دیکھتی ہیں، ابھی ہم تھانے جا رہے ہیں اور ایف آئی آر کٹوائیں گے۔
قبل ازیں سندھ اسمبلی میں بجٹ اجلاس کے دوران اپوزیشن کی جانب سے شدید احتجاج کیا گیا جب کہ اس دوران دعا بھٹو اور کلثوم چانڈیو کے درمیان جھگڑا ہوا۔
کلثوم چانڈیو نے لڑائی میں دعا بھٹو کا موبائل فون چھین کر رہنما پیپلز پارٹی منور وسان کے حوالے کر دیا جو موبائل سمیت ایوان سے فرار ہوگئے۔
سندھ اسمبلی پیپلز پارٹی کی کلثوم چانڈیو اور تحریک انصاف کی دعا بھٹو میں لڑائی دعا بھٹو کیمطابق کلثوم چانڈیو اور منور وسان انکا موبائل چھین کر فرار ہوگئے pic.twitter.com/lh9G5miebv
— Faizullah Khan فیض (@FaizullahSwati) June 14, 2022
