The news is by your side.

Advertisement

سوئس حکومت نے دہشت گردی کے ملزم کی شہریت منسوخ کردی

سوئس حکومت نے دہشت گردی کے ملزم کی شہریت منسوخ کردی

جنیوا:سوئٹزرلینڈ نے بتایا ہے کہ اس نے پہلی بار کسی دہشت گرد تنظیم سے تعلق رکھنے والے دوہری شہریت کے حامل ایک شخص سے اپنی شہریت واپس لی ہے۔

تفصیلات کے مطابق بیان میں کہا گیا کہ پہلی بار ملک میں امیگریشن سروس نے دہری شہریت والے شخص سے سوئس شہریت واپس لی ہے۔بیان میں کہا گیا کہ اس شخص کو ایک کالعدم تنظیم کے لیے پروپیگنڈا کرنے اور جنگجو بھرتی کرنے کے الزام میں کئی سال قید کی سزا سنائی گئی تھی۔

سوئس حکومت حکام نے زور دے کر کہا کہ امیگریشن سروس ایسے کسی بھی شخص کی دہری شہریت والے شخص سے شہریت واپس لے سکتی ہے جو سوئٹزرلینڈ کے مفادات یا وقار کو نقصان پہنچاتا اور ملکی سلامتی کو خطرے میں ڈالنے کا موجب بنے۔

غیر ملکی خبر رساں ادارے کا کہناتھا کہ اس شخص کی شناخت ظاہر نہیں کی گئی تاہم وہ وفاقی انتظامی عدالت میں فیصلے کے خلاف نظر ثانی کی درخواست دے سکتا ہے۔

سوئٹرزلینڈ کی حکومت کی طرف سے جس شخص کی شہریت منسوخ کرنےکا اعلان کیا گیاوہ ترکی سے تعلق رکھتا ہے اور اس کی عمر33 سال ہے۔ اسے 2018ءمیں جنیوا میں ایک عدالت نے شام میں سرگرم النصرہ فرنٹ کے لیے پروپیگنڈہ کرنے کے الزام میں اڑھائی سال قید کی سزا سنائی تھی۔

غیر ملکی خبر رساں ادارے کا کہناتھا کہ رواں سال مئی میں سوئس حکومت نے ایسے دسیوں افراد کی نشاندہی کا اعلان کیا تھا جو دہری شہریت رکھنے کے ساتھ ساتھ بیرون ملک دہشت گردی کی یا دیگر جرائم میں ملوث پائے گئے ہیں۔

Comments

comments

یہ بھی پڑھیں