The news is by your side.

Advertisement

دبئی: دنیا کے سب سے بڑے ایئر پورٹ کی تعمیر کا آغاز

دبئی: متحدہ عرب امارات  میں دنیا کے سب سے بڑے ہوائی اڈے کی تعمیر کا آغاز کردیا گیا ، یہ ایئر پورٹ ماحول دوست ہونے کے ساتھ جدید ترین سہولیات سے آراستہ ہوگا۔

تفصیلات کے مطابق دبئی میں دنیا کے سب سے بڑے ایئر پورٹ المخطوم انٹرنیشنل کی تعمیر شروع ہوگئی، اس ایئرپورٹ کا ہر ٹرمینل دبئی کے ماس ٹرانزٹ سسٹم سے براہ راست منسلک ہوگا، جہاں ٹیکسی یا بس اسٹینڈ سے ہی چیک ان کیا جاسکے گا۔

جدید ترین ائیرپورٹ کی تعمیر پر 82 بلین امریکی ڈالرز لاگت آئے گی جبکہ سالانہ  100 کروڑ تیس لاکھ مسافر اس ہوائی اڈے سے سفر کرسکیں گے، تعمیر کے بعد پہلے مرحلے میں 200 جہازوں کی آمد و رفت ہوسکے گی۔

مزید پڑھیں: دبئی میں پاسپورٹ کی جگہ اسمارٹ فون کا استعمال

بورڈنگ اور سامان کے چیک ان کے لئے یہاں جدید ترین خود کار نظام نصب کیا جائے گا جبکہ ماہرین ماحول کو آلودگی سے محفوظ رکھنے کے لیے یہاں  کاربن ڈائی آکسائڈ جزب کرنے کانظام بھی لگائیں گے۔

ائیرپورٹ کے زیر زمین ریلوے اسٹیشن بھی موجود ہوگا جبکہ مسافروں کے بیٹھنے کے لیے بہترین انتظار گاہ اور انہیں فری انٹرنیٹ کی سہولت فراہم کی جائے گی۔

 


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پرشیئر کریں۔

Comments

comments

یہ بھی پڑھیں